________________
एगूणवीसमो समवाओ
एगूणवीसमो समवाओ १. एगूणवीसं णायज्झयणा पण्णत्ता, तं जहासंगहणी-गाहा
उक्खित्तणाए संघाडे, अंडे कुम्मे य सेलए। तुंबे य रोहिणी मल्ली', मागंदी चंदिमाति य ॥१॥ दावद्दवे उदगणाए, मंडुक्के तेतलीइ य । नंदीफले अवरकंका, आइण्णे 'सुसुमाइ य' ।।२।।
अवरे य पोंडरीए, णाए एगूणवीसइमे ॥ २. जंबुद्दीवे णं दीवे सूरिआ उक्कोसेणं एकूणवीसं जोयणसयाई उड्ढमहो तवंति ।। ३. सुक्केणं महग्गहे अवरेणं उदिए समाणे एकूणवीसं णक्खत्ताइं समं चारं चरित्ता
अवरेणं अत्थमणं उवागच्छइ ।। ४. जंबुद्दीवस्स णं दीवस्स कलाओ एकूणवीसं छेयणाओ पण्णत्ताओ ।। ५. एगूणवीसं तित्थयरा अगारमज्झा' वसित्ता मुंडे भवित्ता णं अगाराओ
अणगारिअं पव्वइआ।। ६. इमीसे णं रयणप्पभाए पुढवीए अत्थेगइयाणं नेरइयाणं एगूणवीसं पलिओवमाई
ठिई पण्णत्ता॥ ७. छट्ठीए पुढवोए अत्थेगइयाणं नेरइयाणं एगूणवीसं सागरोवमाइं ठिई पण्णता॥ ८. असुरकुमाराणं देवाणं अत्थेगइयाणं एगणवीसं पलिओवमाइं ठिई पण्णत्ता ।। ६. सोहम्मोसाणेसु कप्पेसु अत्थेगइयाणं देवाणं एगणवीसं पलिओवमाइं ठिई
पण्णत्ता॥ १०. आणयकप्पे देवाणं उक्कोसेणं एगणवीसं सागरोवमाइं ठिई पण्णत्ता॥ ११. पाणए कप्पे देवाणं जहण्णेणं एगूणवीसं सागरोवमाइं ठिई पण्णत्ता । १२. जे देवा आणतं पाणतं णतं विणतं घणं सुसिरं इंदं इंदोकतं इंदुत्तरवडेंसगं विमाणं
देवत्ताए उववण्णा, तेसि णं देवाणं उक्कोसेणं एगूणवीसं सागरोवमाइं ठिई
पण्णत्ता॥ १३. ते णं देवा एगूणवीसाए अद्धमासाणं आणमंति वा पाणमंति वा ऊससंति वा
नीससंति वा॥ १४. तेसि णं देवाणं एगूणवीसाए वाससहस्सेहिं आहारट्टे समुप्पज्जइ ॥
१. मल्ले (क)। २. सुंसुसमातिय (ग)। ३. एकूणविंसतेमे (ग)।
४. तवयम्मि (ग)। ५. मज्झे (क्व)।
Jain Education International
For Private & Personal Use Only
www.jainelibrary.org
