________________
ठाणं
णरय-पदं १२४. चउत्थीए णं पंकप्पभाए पुढवीए दस णिरयावाससतसहस्सा पण्णत्ता ॥ ठिति-पदं १२५. रयणप्पभाए पुढवीए जहण्णेणं णेरइयाणं दसवाससहस्साई ठिती पण्णत्ता ।। १२६. चउत्थीए णं पंकप्पभाए पुढवीए उक्कोसेणं णेरइयाणं दस सागरोवमाइं ठिती
पण्णत्ता। १२७. पंचमाए णं धूमप्पभाए पुढवीए जहण्णेणं णेरइयाणं दस सागरोवमाइं ठिती
पण्णत्ता ।। १२८. असुरकुमाराणं जहण्णेणं दस वाससहस्साई ठिती पण्णत्ता। एवं जाव' थणिय
कुमाराणं ।। १२६. बायरवणस्सतिकाइयाणं उक्कोसेणं दस वाससहस्साई ठिती पण्णत्ता॥ १३०. वाणमंतराणं देवाणं जहण्णेणं दस वाससहस्साइं ठिती पण्णत्ता ।। १३१. बंभलोगे कप्पे उक्कोसेणं देवाणं दस सागरोवमाइंठिती पण्णत्ता ।। १३२. लंतए कप्पे देवाणं जहण्णेणं दस सागरोवमाई ठिती पण्णत्ता ।। भाविभद्दत्त-पदं १३३. दसहि ठाणेहिं जीवा आगमेसिभद्दत्ताए' कम्मं पगरेंति, तं जहा-अणिदाणताए,
दिट्रिसंपण्णताए, जोगवाहिताए', खंतिखमणताए, जितिदियताए, अमाइल्ल
ताए, अपासत्थताए, सुसामण्णताए, पवयणवच्छल्लताए, पवयणउब्भावणताए ।। आसंसप्पओग-पदं १३४. दसविहे आसंसप्पओगे पण्णत्ते, तं जहा-इहलोगासंसप्पओगे, परलोगासंसप्पओगे,
दूहओलोगासंसप्पओगे, जीवियासंसप्पओगे, मरणासंसप्पओगे, कामासंसप्पओगे,
भोगासंसप्पओगे, लाभासंसप्पओगे, पूयासंसप्पओगे, सक्कारासंसप्पओगे ॥ धम्म-पदं १३५. दसविधे धम्मे पण्णत्ते, तं जहा-गामधम्मे, णगरधम्मे, रदुधम्मे, पासंडधम्मे,
कुलधम्मे, गणधम्मे, संघधम्मे, सुयधम्मे, चरित्तधम्मे, अत्थिकायधम्मे ॥ थेर-पदं १३६. दस थेरा पण्णत्ता, तं जहा—गामथेरा, णगरथेरा, रटुथेरा, पसत्थथेरा,
कुलथेरा, गणथेरा, संघथेरा, जातिथेरा, सुअथेरा, परियायथेरा॥ १. ठा० १११४३-१५०।
४. अत्थिगातधम्मे (क, ख, ग)। २. भद्दगताए (क, ग)।
५. पत्थारथेरा (क); पासत्थेरा थेरथेरा (ग); ३. जोगवाहियत्ताते (क, ग); जोगवाहित्ताते पसत्थारथेरा (क्व) । (ख)।
६. परिताग° (क, ख, ग)।
Jain Education International
For Private & Personal Use Only
www.jainelibrary.org
