Angsuttani Part 01 - Ayaro Suyagao Thanam Samavao

SR No.: 003551
Original Sutra Author: N/A
Author: Tulsi Acharya, Nathmalmuni
Publisher: Jain Vishva Bharati
Publication Year: 1975
Total Pages: 1108
Language: Prakrit
Classification: Book_Devnagari, Agam, & Canon
File Size: 17 MB

Page 899

८००
ठाणं
संजम-असंजम-पदं २२. पंचिदिया णं जीवा असमारभमाणस्स दसविधे संजमे कज्जति, तं जहा-सोता
मयाओ सोक्खाओ अववरोवेत्ता भवति । सोतामएणं दुक्खेणं असंजोगेत्ता भवति । "चक्खुमयाओ सोक्खाओ अववरोवेत्ता भवति । चक्खुमएणं दुक्खेणं असंजोगेत्ता भवति । घाणामयाओ सोक्खाओ अववरोवेत्ता भवति । घाणामएणं दुक्खेणं असंजोगेत्ता भवति । जिब्भामयाओ सोक्खाओ अववरोवेत्ता भवति । जिब्भामएणं दुक्खेणं असंजोगेत्ता भवति । फासामयाओ सोक्खाओ अववरो
वेत्ता भवति ° । फासामएणं दुक्खेणं असंजोगेत्ता भवति ॥ २३. "पंचिदिया णं जीवा समारभमाणस्स दसविधे असंजमे कज्जति, तं जहा
सोतामयाओ सोक्खाओ ववरोवेत्ता भवति। सोतामएणं दुक्खेणं संजोगेत्ता भवति । चक्खुमयाओ सोक्खाओ ववरोवेत्ता भवति । चक्खुमएणं दुक्खेणं संजोगेत्ता भवति । धाणामयाओ सोक्खाओ ववरोवेत्ता भवति । घाणामएणं दुक्खेणं संजोगेत्ता भवति । जिब्भामयाओ सोक्खाओ ववरोवेत्ता भवति । जिब्भामएणं दुक्खेणं संजोगेत्ता भवति । फासामयाओ सोक्खाओ ववरोवेत्ता
भवति । फासामएणं दुक्खेणं संजोगेत्ता भवति ॥ सुहुम-पदं २४. दस सुहुमा पण्णत्ता, तं जहा-पाणसुहुमे, पणगसुहुमे', 'बीयसुहुमे, हरितसुहुमे,
पुप्फसुहुमे, अंडसुहुमे, लेणसुहुमे °, सिणेहसुहुमे, गणियसुहुमे, भंगसुहुमे ।। महाणदी-पदं २५. जंबुद्दीवे दीवे मंदरस्स पव्वयस्स दाहिणणं गंगा-सिंधु-महाणदीओ दस महाण
दीओ समप्पे ति, तं जहा-जउणा, सरऊ, आवी, कोसी, मही, सतर्दू, वितत्था',
विभासा, एरावती, चंदभागा ।।। २६. जंबुद्दीवे दीवे मंदरस्स पव्वयस्स उत्तरे णं रत्ता-रत्तवतीओ महाणदीओ दस
महाणदीओ समप्पेंति, तं जहा -किण्हा, महाकिण्हा, णीला, महाणीला, महातीरा, इंदा', 'इंदसेणा, सुसेणा, वारिसेणा°, महाभोगा' ।।
१. सं० पा०–एवं जाव फासामतेणं। २. सं० पा०—एवं असंयमो वि भाणितब्बो। ३. सं० पा० –पणगसुहमे जाव सिणेहसुहमे । ४. विवच्छा (क); विवत्था (ग)। ५. सं० पा०-इंदा जाव महाभोगा। ६. सर्वेषु प्रयुक्तादर्शेषु निम्नप्रकारः पाठो
लभ्यते-"किण्हा महाकिण्हा नीला महानीला
तीरा महातीरा इदा जाव महाभोगा।" वृत्तौ च-"एवं रक्तासूत्रमपि नवर यावत्करणात् 'इन्दसेणा वारिसेण' ति द्रष्टव्यमिति" (वृत्तिपत्र ४५४) । किन्तु पंचमस्थानसमागतपाठस्य (सू० २३२, २३३) संदर्भे नैष पाठः समीचीनो भाति, तेनास्माभिर्मूले पंचमस्थानसमागतः पाठः स्वीकृतः ।