________________
७८४
ठाणं
३६. एतेसि णं णवण्हं गेविज्ज-विमाण-पत्थडाणं णव णामधिज्जा पण्णता, तं जहासंगहणी-गाहा
___ भद्दे सुभद्दे सुजाते, सोमणसे पियदरिसणे।
सुदंसणे अमोहे य, सुप्पबुद्धे जसोधरे ॥१॥ आउपरिणाम-पदं ४०. णवविहे आउपरिणामे पण्णत्ते, तं जहा-गतिपरिणामे, गतिबंधणपरिणामे,
ठितीपरिणामे, ठितिबंधणपरिणामे, उड्ढंगारवपरिणामे, अहेगारवपरिणामे,
तिरियंगारवपरिणामे, दीहंगारवपरिणामे, रहस्संगारवपरिणामे ।। पडिमा-पदं ४१. णवणवमिया णं भिक्खुपडिमा एगासीतीए' रातिदिएहिं चउहि य पंचुत्तरेहि
भिक्खासतेहिं अहासुत्तं' अहाअत्थं अहातच्चं अहामग्गं अहाकप्पं सम्म कारणं
फासिया पालिया सोहिया तीरिया किट्टिया • आराहिया यावि भवति ॥ पायच्छित्त-पदं ४२. णवविधे पायच्छित्ते पण्णत्ते, तं जहा-आलोयणारिहे', 'पडिक्कमणारिहे,
तदुभयारिहे, विवेगारिहे, विउसग्गारिहे, तवारिहे, छेयारिहे °, मूलारिहे,
अणवठ्ठप्पारिहे। कूड-पदं ४३. जंबुद्दीवे दीवे मंदरस्स पव्वयस्स दाहिणे णं भरहे दोहवेतड्ढे णव कूडा पण्णत्ता,
__ तं जहा-- संगहणी-गाहा
सिद्धे भरहे खंडग, माणी वेयड्ड पुण्ण तिमिसगुहा ।
भरहे वेसमणे या, भरहे कूडाण णामाई ॥१॥ ४४. जंबुद्दीवे दीवे मंदरस्स पव्वयस्स दाहिणे णं णिसहे वासहरपव्वते णव कूडा
पण्णत्ता, तं जहा
१. जसेवरे (क)। २. एगासीताते (ख, ग)। ३. सं० पा०-अहासुत्तं जाव आहारिया। ४. सं० पा०-आलोयणारिहे जाव मूलारिहे।
५. अत्र पद्यत्वात् नाम्नां संक्षेपो विद्यते, पूर्ण
नामानि इत्थं सन्ति-खंडग-खंडप्रपात:,
माणी-माणिभद्रः, पुण्ण-पूर्णभद्रः। ६. निसुभे (क, ग)।
Jain Education International
For Private & Personal Use Only
www.jainelibrary.org
