________________
७३८
ठाणं
२४. एतासि णं सत्तण्हं पुढवीणं सत्त गोत्ता पण्णत्ता, तं जहा - रयणप्पभा, सक्करप्पभा, वालुअप्पभा, पंकप्पभा, धूमप्पभा, 'तमा, तमतमा" ॥ बायरवाउकाइय-पद
२५. सत्तविहा बायरवाउकाइया पण्णत्ता, तं जहा - पाईणवाते, पडीणवाते, दाहिणवाते, उदीणवाते, उड्डवाते, अहेवाते, विदिसिवाते ||
संठाण-पदं
२६. सत्त संठाणा पण्णत्ता, तं जहा दीहे, रहस्से, वट्टे, तसे, चउरसे, पिहुले, परिमंडले |
भट्ठाण -पदं
२७. सत्त भट्टाणा पण्णत्ता, तं जहा - इहलोगभए, परलोगभए, आदाणभए, अम्हा भए, वेयणभए, मरणभए, असिलोगभए ।
छउमत्थ-पदं
२८. सतहि ठाणेहि छउमत्थं जाणेज्जा, तं जहा - पाणे अइवाएत्ता भवति । मुसं इत्ता भवति । 'अदिण्णं आदित्ता" भवति । सद्दफरिसरसरूवगंधे आसादेत्ता भवति । पूयासक्कार' अणुवहेत्ता भवति । इमं सावज्जति पण्णवेत्ता पडि सेवेत्ता भवति । णो जहावादी' तहाकारी यावि भवति ॥
केवलि-पदं
२६. सत्तहिं ठाणेहि केवली जाणेज्जा, तं जहा - णो पाणे अइवाइत्ता भवति । णो संवत्ता भवति । णो अदिण्णं आदित्ता भवति । णो सफरिसरसरूवगंधे आसादेत्ता भवति । णो पूयासक्कारं अणुवहेत्ता भवति । इमं सावज्जंति पण्णवेत्ताणो डिसेवेत्ता भवति । जहावादी तहाकारी यावि भवति ॥
गोत्त-पदं
३०. सत्त मूलगोत्ता पण्णत्ता, तं जहा - कासवा, गोतमा, वच्छा, कोच्छा, कोसिआ, मंडवा, वासिट्ठा ॥
३१. जे कासवा ते सत्तविधा पण्णत्ता, तं जहा - ते कासवा, ते संडिल्ला, ते गोला, ते वाला, ते मुंजइणो, ते पव्वतिणो, ते वरिसकण्हा ||
१. तमप्पा तमतमप्पभा ( क ) ।
२. पाडी ० ( क ) ।
३. ० भते (क, ख, ग ) ।
४. अदिन्नमदितित्ता (क, ग) ।
५. पूता ° (क, ख, ग ) ।
Jain Education International
६. जधा ० ( क, ख, ग ) ।
७. तधा ० ( क, ख, ग ) ।
८. सं० पा० - अइवाइत्ता भवति जाव जधावाती ।
९. पव्वपेच्छतिणो ( क्व ) ।
For Private & Personal Use Only
www.jainelibrary.org
