________________
छटुं ठाण
७२६
अवयण-पदं १००. णो कप्पइ णिग्गंथाण वा णिग्गंथीण वा इमाइं छ अवयणाई वदित्तए, तं जहा
अलियवयणे, हीलियवयणे, खिसितवयणे, फरुसवयणे, गारत्थियवयणे, विउसवितं
वा पुणो उदीरित्तए॥ कप्पस्स पत्थार-पदं १०१. छ कप्पस्स पत्थारा पण्णत्ता, तं जहा-पाणातिवायस्स वायं वयमाणे, मुसा
वायस्स वायं' वयमाणे, अदिण्णादाणस्स वायं वयमाणे, अविरतिवायं वयमाणे, अपरिसवायं वयमाणे, दासवायं वयमाणे-इच्चेते छ कप्पस्स पत्थारे पत्थारेत्तर सम्ममपडिपूरेमाणे तट्ठाणपत्ते ॥
पलिमंथु-पदं
१०२. छ कप्पस्स पलिमंथू' पण्णत्ता, तं जहा-कोकुइते' संजमस्स पलिमंथू, मोहरिए"
सच्चवयणस्स पलिमंथू, चक्खुलोलुए ईरियावहियाए पलिमंथू , तितिणिए एसणागोयरस्स" पलिमंथू, इच्छालोभिते मोत्तिमग्गस्स पलिमंथू, भिज्जाणिदाण
करणे मोक्खमग्गस्स पलिमंथू, सव्वत्थ भगवता अणिदाणता" पसत्था ।। कप्पट्ठिति-पदं १०३. छव्विहा कप्पट्टिती पण्णत्ता, तं जहा-सामाइयकप्पद्विती, छेओवट्ठावणिय
कप्पट्टिती", णिव्विसमाणकप्पट्टिती, णिविट्ठकप्पट्टिती, जिणकप्पद्विती, थेर
कप्पट्टिती ।। महावीरस्स छट्ठभत्त-पदं १०४. समणे भगवं महावीरे छोणं भत्तेणं अपाणएणं मुंडे" भवित्ता अगाराओ
अणगारियं ° पव्वइए॥ १०५. समणस्स णं भगवओ महावीरस्स छ?णं भत्तेणं अपाणएणं अणंते अणुत्तरे'५
'णिव्वाघाए णिरावरणे कसिणे पडिपुण्णे केवलवरणाणदंसणे° समुप्पण्णे॥
१. अवतणाई (क, ख, ग)। २. वादं (क)। ३. वातं (क, ख, ग)। ४. सम्मा ° (ख)। ५. पाठान्तरेण परिमन्था वाच्याः (वृ)। ६. कोकुतिते (क, ख, ग)। ७. मोहरिते (क, ख, ग)। ८. चक्खुलोलुते (क, ख, ग)।
६. ईरितावहिताते (क, ख, ग)। १०. एसणागोतरस्स (क, ख, ग)। ११. अणिताणता (क, ख, ग)। १२. सामातित ° (क, ख, ग)। १३. छतोवट्ठावणित ° (क, ख, ग)। १४. सं० पा०--मुंडे जाव पव्वइए । १५. सं० पा०—अणुत्तरे जाव समुप्पण्णे ।
Jain Education International
For Private & Personal Use Only
www.jainelibrary.org
