________________
७१४
ठाणं
णाण-पदं २१८. पंचविहे णाणे पण्णत्ते, तं जहा-आभिणिबोहियणाणे, सुयणाणे, ओहिणाणे,
मणपज्जवणाणे, केवलणाणे ।। २१६. पंचविहे णाणावरणिज्जे कम्मे पण्णत्ते, तं जहा--आभिणिबोहियणाणावरणिज्जे',
'सुयणाणावरणिज्जे, ओहिणाणावरणिज्जे, मणपज्जवणाणावरणिज्जे °, केवल
णाणावरणिज्जे ॥ २२०. पंचविहे सज्झाए पण्णत्ते, तं जहा–वायणा, पुच्छणा, परियट्टणा, अणुप्पेहा,
. धम्मकहा।। पच्चक्खाण-पदं २२१. पंचविहे पच्चक्खाणे पण्णत्ते, तं जहा-सद्दहणसुद्धे, विणयसुद्धे, अणुभासणासुद्धे,
अणुपालणासुद्धे, भावसुद्धे ।। पडिक्कमण-पदं २२२. पंचविहे पडिक्कमणे पण्णत्ते, तं जहा-आसवदारपडिक्कमणे, मिच्छत्तपडिक्कमणे,
___ कसायपडिक्कमणे, जोगपडिक्कमणे, भावपडिक्कमणे ॥
सुत्त-पदं
२२३. पंचहि ठाणेहि सुत्तं वाएज्जा, तं जहा-संगहट्ठयाए, उवग्गहट्ठयाए', णिज्जर
याए, सुत्ते वा मे पज्जवयाते भविस्सति, सुत्तस्स वा अवोच्छित्तिणयट्टयाए । २२४. पंचहि ठाणेहि सुत्तं सिक्खेज्जा, तं जहा–णाणट्ठयाए, दसणट्टयाए, चरित्तट्टयाए,
वुग्गहविमोयणट्टयाए', अहत्थे वा भावे जाणिस्सामीतिकट्ट । कप्प-पदं २२५. सोहम्मीसाणेसु णं कप्पेसु विमाणा पंचवण्णा' पण्णत्ता, तं जहा-किण्हा',
*णीला, लोहिता, हालिद्दा °, सुक्किल्ला ।। २२६. सोहम्भीसाणेसु णं कप्पेसु विमाणा पंचजोयणसयाई उड्ढं उच्चत्तेणं पण्णत्ता॥ २२७. बंभलोग-लंतएस णं कप्पेसु देवाणं भवधारणिज्जसरीरगा उक्कोसेणं पंचरयणी
उड्ढे उच्चत्तेणं पण्णत्ता ।। बंध-पदं २२८. णेरइया णं पंचवण्णे पंचरसे पोग्गले बंधेसु वा बंधंति वा बंधिस्संति वा,
१. सं० पा०-आभिणिबोहियणाणावरणिज्जे
जाव केवल। २. उवग्गहणट्ठयाए (ख)।
३. विमोतणठूयाते (क, ख, ग)। ४. पंचविधा (क, ग)। ५. सं० पा०-किण्हा जाव सुक्किल्ला।
Jain Education International
For Private & Personal Use Only
www.jainelibrary.org
