________________
७०७
पंचमं ठाणं (तइओ उद्देसो)
भावओ अवण्णे अगंधे अरसे अफासे ।
गुणओ ठाणगुणे । १७२. आगासत्थिकाए अवण्णे "अगंधे अरसे अफासे अरूवो अजोवे सासए अवदिए
लोगालोगदब्वे । से समासओ पंचविधे पण्णत्ते, तं जहा–दव्वओ, खेत्तओ, कालओ, भावओ, गुणओ। दव्वओ णं आगासत्थिकाए एगं दव्वं । खेत्तओ लोगालोगपमाणमेत्ते। कालओ ण कयाइ णासी, ण कयाइ ण भवति, ण कयाइ ण भविस्सइत्तिभुवि च भवति य भविस्सति य, धुवे णिइए सासते अक्खए अव्वए अवट्टिते णिच्चे। भावओ अवण्णे अगंधे अरसे अफासे ।
गुणओ अवगाहणागुणे° ॥ १७३. जीवत्थिकाए णं अवण्णे "अगंधे अरसे अफासे अरूवी जीवे सासए अवट्ठिए
लोगदव्वे। से समासओ पंचविधे पण्णत्ते, तं जहा-दव्वओ, खेत्तओ, कालओ, भावओ, गुणओ। दव्वओ णं जीवत्थिकाए' अणंताई दवाई। खेत्तओ लोगपमाणमेत्ते । कालओ ण कयाइ णासी, ण कयाइ ण भवति, ण कयाइ ण भविस्सइत्तिभवि च भवति य भविस्सति य, धुवे णिइए सासते अक्खए अव्वए अवट्टिते णिच्चे। भावओ अवण्णे अगंधे अरसे अफासे ।
गुणओ उवओगगुणे° ।। १७४.
पोग्गलत्थिकाए पंचवण्णे पंचरसे दुगंधे अट्ठफासे रूवी अजोवे सासते अवट्टिते' 'लोगदव्वे । से समासओ पंचविधे पण्णत्ते, तं जहा--दव्वओ, खेत्तओ, कालओ, भावओ, गुणओ। दव्वओ णं पोग्गलत्थिकाए अणंताई दव्वाई।
१. सं० पा०–एवं चेव णवरं खेत्तओ..... ____ अवगाहणागुणे सेसं तं चेव । २. सं० पा०-एवं चेव णवरं दवओण...'
उवओगगुणे सेसं तं चैव । ३. जीवत्थिगाते (क, ख, ग)। ४. सं० पा०-अवट्रिते जाव दव्वओ।
Jain Education International
For Private & Personal Use Only
www.jainelibrary.org
