________________
पंचमं ठाणं (बीओ उद्देसो)
७०५ ४. णिग्गंथे णिग्गंथि णावं आरुभमाणे वा ओरोहमाणे वा णातिक्कमति । ५. खित्तचित्तं' दित्तचित्तं' जक्खाइटुं उम्मायपत्तं उवसग्गपत्तं साहिगरणं सपायच्छित्तं जाव भत्तपाणपडियाइक्खियं अट्टजायं वा णिग्गंथे णिग्गंथि गेण्हमाणे
वा अवलंबमाणे वा णातिक्कमति ॥ आयरिय-उवज्झाय-अइसेस-पदं १६६. आयरिय-उवज्झायस्स णं गणंसि पंच अतिसेसा पण्णत्ता, तं जहा
१. आयरिय-उवज्झाए अंतो उवस्सयस्स पाए 'णिगज्झिय-णिगज्झिय" पप्फोडेमाणे वा पमज्जेमाणे वा णातिक्कमति । २. आयरिय-उवज्झाए अंतो उवस्सयस्स उच्चारपासवणं विगिचमाणे वा विसोधेमाणे वा णातिक्कमति । ३. आयरिय-उवज्झाए पभू इच्छा वेयावडियं करेज्जा, इच्छा णो करेज्जा। ४. आयरिय-उवज्झाए अंतो उवस्सयस्स एगरातं वा दुरातं वा एगगो' वसमाणे णातिक्कमति। ५. आयरिय-उवज्झाए बाहिं उवस्सयस्स एगरातं वा दुरातं वा [एगओ ?]
वसमाणे णातिक्कमति ।। आयरिय-उवज्झाय-गणावक्कमण-पदं १६७. पंचहि ठाणेहिं आयरिय-उवज्झायस्स गणावक्कमणे पण्णत्ते, तं जहा
१. आयरिय-उवज्झाए गणंसि आणं वा धारणं वा णो सम्म पउंजित्ता भवति । २. आयरिय-उवज्झाए गणंसि आधारायणियाए कितिकम्मं वेणइयं णो सम्म पउंजित्ता भवति । ३. आयरिय-उवज्झाए गणंसि जे सुयपज्जवजाते धारेति, ते 'काले-काले' णो सम्ममणुपवादेत्ता भवति । ४. आयरिय-उवज्झाए गणंसि सगणियाए' वा परगणियाए वा णिग्गंथोए बहिल्लेसे भवति। ५. मित्ते णातिगणे वा से गणाओ अवक्कमेज्जा, तेसिं संगहोवगहट्टयाए गणावक्कमणे पण्णत्ते ।।
१. खेत्तइत्तं (क, ख, ग)। २. दित्तइत्तं (क, ख, ग)। ३. उवस्सगस्स (ख) सर्वत्र । ४. निगिज्झिय (क्व)।
५. X (क, ख, ग)। ६. काले (ख, ग)। ७. सगणिताते (क, ख, ग)।
Jain Education International
For Private & Personal Use Only
www.jainelibrary.org
