________________
६८
ठाणं
१०८. पंचहि ठाणेहिं समणे णिग्गंथे अचेलए सचेलियाहि णिग्गंथीहिं सद्धि संवसमाणे णातिक्कमति, तं जहा --
१. खित्तचित्ते' समणे णिग्गंथे णिग्गंथेहिमविज्जमाणेहिं अचेलए सचेलियाहिं णिग्गंथी हिंसद्धि संवसमाणे णातिक्कमति ।
२. दित्तचित्ते' समणे णिग्गंथे णिग्गंथेहिमविज्जमाणेहिं अचेलए सचेलियाहिं णिग्गीहिंसद्धि संवसमाणे णातिक्कमति ।
३. जक्खाइट्ठे समणे णिग्गंथे णिग्गंथेहिमविज्जमाणेहिं अचेलए सचेलियाहिं णिग्गंथीहिं सद्धि संवसमाणे णातिक्कमति ।
४. उम्मायपत्ते समणे णिग्गंथे णिग्गंथेहिमविज्जमाणेहिं अचेलए सचेलियाहि णिग्गंथी हिंसद्धि संवसमाणे णातिक्कमति ।
५. णिग्गंथीपव्वाइयए समणे णिग्गंथेहि अविज्जमाणेहिं अचेलए सचेलियाहिं णिग्गंथीहिं सद्धि संवसमाणे णातिक्कमति ॥
आसव-संवर-पदं
१०६. पंच आसवदारा पण्णत्ता, तं जहा - मिच्छत्तं, अविरती, पमादो, कसाया, जोगा ॥
११०. पंच संवरदारा पण्णत्ता, तं जहा - संमत्तं विरती, अपमादो, अकसाइत्तं अजोगित्तं ॥
दंड-पदं
१११. पंच दंडा पण्णत्ता, तं जहा - अट्ठादंडे, अणट्ठादंडे, हिंसादंडे, अकस्मादंडे, दिट्ठीविपरियासियादंडे ||
किरिया - पदं
११२. पंच किरियाओ पण्णत्ताओ, तं जहा – आरंभिया, पारिग्गहिया, मायावत्तिया, अपच्चक्खाणकिरिया, मिच्छादंसणवत्तिया ॥
११३. मिच्छादिट्ठियाणं णेरइयाणं पंच किरियाओ पण्णत्ताओ, तं जहा – आरंभिया, पारिग्गहिया, मायावत्तिया, अपच्चक्खाण किरिया, मिच्छादंसणवत्तिया ॥
१. खेत्तइत्ते (क, ख, ग ) ।
२. सं० पा० - एवमेतेणं गमएणं दित्तचित्ते जक्खातिट्ठे उम्मायपत्तं ।
३. वित्ततित्ते (क, ख, ग ) ।
Jain Education International
४. कसाता (क, ख, ग ) ।
O
५. अम्हा ० ( ख ) ।
६. मातावत्तिता ( क, ख, ग ) ।
७. सं० पा० - तंजहा जाव मिच्छादंसणवत्तिया ।
For Private & Personal Use Only
www.jainelibrary.org
