________________
ठीण
रायंतेउर-पवेस-पदं १०२. पंचहि ठाणेहि समणे णिग्गंथे रायतेउरमणुपविसमाणे णाइक्कमति, तं जहा -
१. णगरे सिया सव्वतो समंता गुत्ते गुत्तदुवारे, बहवे समणमाहणा णो संचाएंति भत्ताए वा पाणाए वा णिक्खमित्तए वा पविसित्तए वा, तेसि विण्णवणट्टयाए रायंतेउरमणुपविसेज्जा। २. पाडिहारियं वा पीढ-फलग-सेज्जा-संथारगं पच्चप्पिणमाणे रायंतेउरमणपविसेज्जा। ३. हयस्स' वा गयस्स वा दुट्ठस्स आगच्छमाणस्स भीते रायंतेउरमणपविसेज्जा। ४. परो व णं सहसा वा बलसा वा बाहाए गहाय रायंतेउरमणुपवेसेज्जा। ५. बहिता व णं आरामगयं वा उज्जाणगयं वा रायतेउरजणो सव्वतो समंता संपरिखिवित्ता णं सण्णिवेसिज्जा। इच्चेतेहिं पंचहि ठाणेहिं समणे णिग्गंथे' 'रायंतेउरमणुपविसमाणे ° णातिक्कमइ॥
गब्भधरण-पदं १०३. पंचहि ठाणेहिं इत्थी पुरिसेण सद्धिं असंवसमाणीवि गब्भं धरेज्जा, तं जहा
१. इत्थी दुव्वियडा दुण्णिसण्णा सुक्कपोग्गले अधिट्ठिज्जा। २. सुक्कपोग्गलसंसिढे व से वत्थे अंतो जोणीए अणुपवेसेज्जा। ३. सई वा से सुक्कपोग्गले अणुपवेसेज्जा। ४. परो व से सुक्कपोग्गले अणुपवेसेज्जा। ५. सीओदगवियडेण वा से आयममाणीए मुक्कपोग्गला अणुपवेसेज्जा-इच्चेतेहिं पंचहिं ठाणेहि
'इत्थी पुरिसेण सद्धि असंवसमाणीवि गन्भं धरेज्जा ॥ १०४. पंचहिं ठाणेहिं इत्थी पुरिसेण सद्धि संवसमाणीवि गब्भं णो धरेज्जा, तं जहा
१. अप्पत्तजोव्वणा । २. अतिकंतजोव्वणा । ३. जातिवंझा। ४. गेलण्णपुट्ठा । ५. दोमणंसिया---इच्चेतेहिं पंचहि ठाणेहि 'इत्थी पुरिसेण सद्धि संवसमाणीवि
गब्भं णो धरेज्जा ॥ १०५. पंहि ठाणेहि इत्थी पुरिसेण सद्धि संवसमाणीवि णो गब्भं धरेज्जा, तं जहा
१. णिच्चोउया, २. अणोउया। ३. वावण्णसोया। ४. वाविद्धसोया। ५. अणंगपडिसेवणी-इच्चेतेहिं 'पंचहिं ठाणेहि इत्थी पुरिसेण सद्धि संवसमाणीवि गब्भं णो धरेज्जा ।।
१. हतस्स (क, ख, ग)। २. निवेसिज्जा (ख, ग)। ३. सं० पा०—णिग्गंथे जाव णातिक्कमइ।
४. सं० पा०-ठाणेहिं जाव धरेज्जा। ५. सं० पा०-ठाणेहिं जाव णो धरेज्जा। ६. सं० पा०-इच्चेतेहिं जाव णो धरेज्जा।
Jain Education International
For Private & Personal Use Only
www.jainelibrary.org
