________________
६८८
ठाणं णिसिज्जा-पदं ५०. पंच णिसिज्जाओ पण्णत्ताओ, तं जहा—उक्कुडुया', गोदोहिया, समपायपुता,
पलियंका', अद्धपलियंका।। अज्जवट्ठाण-पदं ५१. पंच अज्जवट्ठाणा पण्णत्ता, तं जहा–साधुअज्जवं, साधुमद्दवं, साधुलाघवं,
साधुखंति, साधुमुत्ती॥ जोइसिय-पदं ५२. पंचविहा जोइसिया पण्णत्ता, तं जहा-चंदा, सूरा, गहा, णक्खत्ता, ताराओ। देव-पदं ५३. पंचविहा देवा पण्णत्ता, तं जहा-भवियदव्वदेवा', णरदेवा, धम्मदेवा, देवाति
देवा, भावदेवा ॥ परिचारणा-पदं ५४. पंचविहा परियारणा' पण्णता, तं जहा-कायपरियारणा', फासपरियारणा,
रूवपरियारणा, सद्दपरियारणा, मणपरियारणा ।। अग्गमहिसी-पदं ५५. चमरस्स णं असुरिंदस्स असुरकुमाररण्णो पंच अग्गमहिसीओ पण्णत्ताओ,
तं जहा-काली, राती, रयणी', विज्ज, मेहा ॥ ५६. बलिस्स णं वइरोणिदस्स वइरोयणरण्णो पंच अग्गमहिसीओ पण्णत्ताओ,
___ 'तं जहा–सुभा, णिसुंभा, रंभा, णिरंभा, मदणा ।। अणिय-अणियाहिवइ-पदं ५७. चमरस्स णं असुरिंदस्स असुरकुमाररण्णो पंच संगामिया अणिया, पंच संगा
मिया अणियाधिवती पण्णत्ता, तं जहा–पायत्ताणिए, पीढाणिए, कुंजराणिए, महिसाणिए, रहाणिए।
१. उक्कडती (क); उक्कडुती (ग)। २. पुलितंका (क, ग); पलितंका (ख)। ३. अद्धपलितका (क, ख, ग)। ४. भवित ° (क, ख, ग)। ५. परितारणा (क, ख, ग)।
६. कात ° (क, ख, ग)। ७. रतणी (क, ख, ग)। ८. वतिरोत (क, ख, ग)। ६. मतणा (क, ख, ग)।
Jain Education International
For Private & Personal Use Only
www.jainelibrary.org
