________________
चउत्थं ठाणं (बीओ उद्देसो)
तेसु णं दीवेसु चउव्विहा मणुस्सा' 'परिवसंति, तं जहा-आसकण्णा, हत्थि
कण्णा, अकण्णा, कण्णपाउरणा ॥ ३२६. तेसि णं दीवाणं चउसु विदिसासु लवणसमुदं अट्ठट्ठ जोयणसयाई ओगाहेत्ता,
एत्थ णं चत्तारि अंतरदीवा पण्णत्ता, तं जहा-उक्कामुहदीवे, मेहमुहदीवे, विज्जुमुहदीवे, विज्जुदंतदीवे । तेसु णं दीवेसु चउम्विहा मणुस्सा' 'परिवसंति, तं जहा–उक्कामुहा, मेहमुहा,
विज्जुमुहा, विज्जुदंता ॥ ३२७. तेसि णं दीवाणं चउसु विदिसासु लवणसमुदं णव-णव जोयणसयाइं ओगाहेत्ता,
एत्थ णं चत्तारि अंतरदीवा पण्णत्ता, तं जहा–घणदंतदीवे, लट्ठदंतदीवे, गूढदंतदीवे, सुद्धदंतदीवे। तेसु णं दीवेसु चउव्विहा मणुस्सा परिवसंति, तं जहा-घणदंता, लट्ठदंता
गूढदंता, सुद्धदंता॥ ३२८. जंबुद्दीवे दीवे मंदरस्स पव्वयस्स उत्तरे णं सिहरिस्स वासहरपव्वयस्स चउसु
विदिसासु लवणसमुदं तिण्णि-तिण्णि जोयणसयाइं ओगाहेत्ता, एत्थ णं चत्तारि अंतरदीवा पण्णत्ता, तं जहा-एगूरुयदीवे', सेसं तहेव णिरवसेसं भाणियव्वं
जाव सुद्धदंता॥ महापायाल-पदं ३२६. जंबुद्दीवस्स णं दीवस्स बाहिरिल्लाओ वेइयंताओ चउदिसिं लवणसमुदं पंचा
णउई जोयणसहस्साइं ओगाहेत्ता, एत्थ णं महतिमहालता महालंजरसंठाणसंठिता' चत्तारि महापायाला पण्णत्ता, तं जहा-वलयामुहे", केउए, जूवए, ईसरे । तत्थ णं चत्तारि देवा महिड्डिया जाव पलिओवमद्वितीया परिवसंति, तं जहा
काले, महाकाले, वेलंबे, पभंजणे॥ आवास-पव्वय-पदं ३३०. जंबुद्दीवस्स णं दीवस्स बाहिरिल्लाओ वेइयंताओ चउद्दिसि लवणसमूह
बायालीसं-बायालीसं जोयणसहस्साई ओगाहेत्ता, एत्थ णं चउण्हं वेलंधरणागराईणं चत्तारि आवासपव्वता पण्णत्ता, तं जहा—गोथूभे, उदओभासे", संखे, दगसीमे।
१. सं० पा०–मणुस्सा भाणियब्वा । २. सं० पा०-मणुस्सा भाणियव्वा । ३. एगरूय° (क, ख, ग)। ४. ठा० ४।३२१-३२७ । ५. वेतितंताओ (क, ख, ग)।
६. महालिंजर ° (क, ग)। ७. वलतामुहे (क, ख, ग)। ८. केउते (क, ख, ग)।
६. ठा० २।२७१। १०. दउयभासे (ख); उदयभासे (क्व)।
Jain Education International
For Private & Personal Use Only
www.jainelibrary.org
