________________
चउत्थं ठाणं (बीओ उद्देसो)
गुत्त-अगुत्त-पदं १८६. चत्तारि कूडागारा पण्णत्ता, तं जहा—गुत्ते णाम एगे गुत्ते, गुत्ते णामं एगे अगुत्ते,
अगुत्ते णाम एगे गुत्ते, अगुत्ते णामं एगे अगुत्ते। एवामेव चत्तारि पुरिसजाया पण्णत्ता, तं जहा-गुत्ते णामं एगे गुत्ते, गुत्ते णाम
एगे अगुत्ते, अगुत्ते णामं एगे गुत्ते, अगुत्ते णाम एगे अगुत्ते ॥ १८७.
चत्तारि कूडागारसालाओ पण्णत्ताओ, तं जहा-गुत्ता णाममेगा गुत्तदुवारा, गुत्ता णाममेगा अगुत्तदुवारा, अगुत्ता णाममेगा गुत्तदुवारा, अगुत्ता णाममेगा अगुत्तदुवारा॥ एवामेव चत्तारित्थीओ पण्णत्ताओ, तं जहा—गुत्ता णाममेगा गुत्तिदिया, गुत्ता णाममेगा अगुत्ति दिया, अगुत्ता णाममेगा गुत्तिदिया, अगुत्ता णाममेगा
अगुत्तिदिया ॥ ओगाहणा-पदं १८८. चउविहा ओगाहणा पण्णत्ता, तं जहा-दवोगाहणा, खेत्तोगाहणा, कालो
गाहणा, भावोगाहणा॥ पण्णत्ति-पदं १८९. चत्तारि पण्णत्तीओ अंगबाहिरियाओ पण्णत्ताओ, तं जहा---चंदपण्णत्ती, सूर
पण्णत्ती, जंबुद्दीवपण्णती, दीवसागरपण्णत्ती ॥
बीओ उद्देसो पडिसलीण-अपडिसंलीण-पदं १६०. चत्तारि पडिलीणा पण्णत्ता, त जहा–कोहपडिसलीणे', माणपडिसंलीणे,
मायापडिसंलीणे, लोभपडिसलीणे ।. १६१. चत्तारि अपडिसंलीणा पण्णत्ता, तं जहा -कोहअपडिसंलोणे', 'माणअपडि
संलीणे, मायाअपडिसंलीणे , लोभअपडिसंलीणे ॥ १९२. चत्तारि पडिसंलीणा पण्णता, तं जहा–मणपडिसंलोणे, वतिपडिसलीणे, काय
पडिसंलीणे, इंदियपडिसंलीणे ।। १९३. चत्तारि अपडिसलीणा पण्णत्ता, तं जहा-मणअपडिसंलीणे', 'वतिअपडिसंलीणे.
कायअपडिलीणे, इंदियअपडिसंलीणे ।।
३. सं० पा०---मणअपडिसंलीणे जाव इंदिय ।
१. कोव ° (क)। २. सं० पा०-कोहअपडिसंलीणे जाव लोभ ।
Jain Education International
For Private & Personal Use Only
www.jainelibrary.org
