Page Text
________________
उत्थं ठाणं ( पढमो उद्देसो)
५६६
३८. चत्तारि पुरिसजाया पण्णत्ता, तं जहा -- सच्चे णामं एगे सच्चमणे, सच्चे णामं एगे असच्चमणे, असच्चे णामं एगे सच्चमणे, असच्चे णामं एगे असच्चमणे || ३६. चत्तारि पुरिसजाया पण्णत्ता, तं जहा -- सच्चे णामं एगे सच्चसंकप्पे, सच्चे णामं एगे असच्च संकप्पे, असच्चे णामं एगे सच्चसंकप्पे असच्चे णामं एगे असच्चसं कप्पे ॥
४०. चत्तारि पुरिसजाया पण्णत्ता, तं जहा - सच्चे णामं एगे सच्चपणे, सच्चे णामं एगे असच्चपणे, असच्चे णामं एगे सच्चपण्णे, असच्चे णामं एगे असच्चपण्णे || ४१. चत्तारि पुरिसजाया पण्णत्ता, तं जहा - सच्चे णामं एगे सच्चदिट्ठी, सच्चे णामं एगे असच्चदिट्टी, असच्चे णामं एगे सच्चदिट्ठी, असच्चे णामं एगे असच्चदिट्ठी ॥ ४२. चत्तारि पुरिसजाया पण्णत्ता, तं जहा - सच्चे णामं एगे सच्चसीलाचारे, सच्चे णामं एगे असच्चसीलाचारे, असच्चे णामं एगे सच्चसीलाचारे, असच्चे णामं एगे असच्चसीलाचारे ॥
४३. चत्तारि पुरिसजाया पण्णत्ता, तं जहा - सच्चे णामं एगे सच्चववहारे, सच्चे णामं एगे असच्चववहारे, असच्चे णामं एगे सच्चववहारे, असच्चे णामं एगे असच्चववहारे ||
४४. चत्तारि पुरिसजाया पण्णत्ता, तं जहा - सच्चे णामं एगे सच्चपरक्कमे, सच्चे णामं एगे असच्चपरक्कमे, असच्चे णामं एगे सच्चपरकक्मे, असच्चे णामं एगे असच्चपरक्कमे ॥
सुचि असुचि-पद
४५. चत्तारि वत्था पण्णत्ता, तं जहा - सुई' णामं एगे सुई, सुई णामं एगे असुई, असुईणामं एगे सुई, असुई णामं एगे असुई • ||
o
एवामेव चत्तारि पुरिसजाया पण्णत्ता, तं जहा - सुई णामं एगे सुई, "सुई णामं एगे असुई, असुईणामं एगे सुई, असुई णामं एगे असुई ||
४६. चत्तारि वत्था पण्णत्ता, तं जहा - सुई णामं एगे सुइपरिणते, सुईणामं एगे असुइपरिणते, असुई णामं एगे सुइपरिणते, असुई णामं एगे असुइपरिणते । एवमेव चत्तारि पुरिसजाया पण्णत्ता, तं जहा - सुई णामं एगे सुइपरिणते, सुई णामं एगे असुइपरिणते, असुई णामं एगे सुइपरिणते, असुई णामं एगे असुइपरिणते ॥
४७. चत्तारि वत्था पण्णत्ता, तं जहा - सुई णामं एगे सुइरूवे, सुई णानं एगे असुइरूवे, असुई णामं एगे सुइरूवे, असुई णामं एगे असुइरूवे ।
१. सुती ( क, ख, ग ) ।
२. सं० पा० - चउभंगो ।
Jain Education International
३. सं० पा० - चउभंगो एवं जहेव सुद्धेणं वत्थेणं भणितं तव सुतिणावि जाव परक्कमे ।
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |