________________
५८२
ठाणं
४४३. तिविधे अणायारे पण्णत्ते, तं जहा-णाणअणायारे, दंसणअणायारे,
चरित्तअणायारे॥ ४४४. तिण्हमतिक्कमाणं-आलोएज्जा, पडिक्कमेज्जा, णिदेज्जा, गरहेज्जा,
'विउद्देज्जा, विसोहेज्जा, अकरणयाए अब्भुटेज्जा, अहारिहं पायच्छित्तं तवोकम्म° पडिवज्जेज्जा, तं जहा–णाणातिक्कमस्स, दंसणातिक्कमस्स,
चरित्तातिक्कमस्स ॥ ४४५. "तिण्हं वइक्कमाणं -आलोएज्जा, पडिक्कमेज्जा, णिदेज्जा, गरहेज्जा,
विउट्टेज्जा, विसोहेज्जा, अकरणयाए अब्भुटेज्जा, अहारिहं पायच्छित्तं तवोकम्म पडिवज्जेज्जा, तं जहा-णाणवइक्कमस्स, सणवइक्कमस्स,
चरित्तवइक्कमस्स ॥ ४४६. तिण्हमतिचाराणं-आलोएज्जा, पडिक्कमेज्जा, णिदेज्जा, गरहेज्जा, विउट्टेज्जा,
विसोहेज्जा, अकरणयाए अब्भुट्ठज्जा, अहारिहं पायच्छित्तं तवोकम्म
पडिवज्जेज्जा, तं जहा–णाणातिचारस्स, दंसणातिचारस्स, चरित्तातिचारस्स ।। ४४७. तिण्हमणायाराणं-आलोएज्जा, पडिक्कमेज्जा, णिदेज्जा, गरहेज्जा ,
विउद्देज्जा, विसोहेज्जा, अकरणयाए अब्भुट्ठज्जा, अहारिहं पायच्छित्तं तवोकम्म पडिवज्जेज्जा, तंजहा-णाण-अणायारस्स, सण-अणायारस्स, चरित्त
अणायारस्स° ॥ पायच्छित्त-पदं ४४८. तिविधे पायच्छित्ते पण्णत्ते, तं जहा--आलोयणारिहे, पडिक्कमणारिहे,
तदुभयारिहे ॥ अकम्मभूमी-पदं ४४६. जंबुद्दीवे दीवे मंदरस्स पव्वयस्स दाहिणे णं तओ अकम्मभूमीओ पण्णत्ताओ,
तं जहा–हेमवते, हरिवासे, देवकुरा ॥ ४५०. जंबुद्दीवे दीवे मंदरस्स पव्वयस्स उत्तरे णं तओ अकम्मभूमीओ पण्णत्ताओ,
तं जहा-उत्तरकुरा, रम्मगवासे, हेरण्णवए।
वास-पदं
४५१. जंबुद्दीवे दीवे मंदरस्स पव्वयस्स दाहिणे णं तओ वासा पण्णत्ता, तं जहा
भरहे, हेमवए, हरिवासे ॥
१. सं० पा०-गरहेज्जा जाव पडिवज्जेज्जा। २. सं० पा०--एवं वइक्कमाणं अतिचाराणं
अणायाराणं।
३. °माण वि (ख)। ४. एरण्णवए (क, ख, ग)।
Jain Education International
For Private & Personal Use Only
www.jainelibrary.org
