________________
ठाणं
अणिस्सेसाए' अणाणुगामियत्ताए भवंति, तं जहा --कूअणता, कक्करणता,
अवज्झाणता॥ ३८४. तओ ठाणा णिग्गंथाण वा णिग्गंथीण वा हिताए सुहाए खमाए णिस्सेसाए'
आणुगामिअत्ताए भवंति, तं जहा-अकूअणता, अकक्करणता, अणवज्झाणता॥ सल्ल-पदं ३८५. तओ सल्ला पण्णत्ता, तं जहा-मायासल्ले, णियाणसल्ले, मिच्छादसणसल्ले ।। तेउलेस्सा-पदं ३८६. तिहिं ठाणेहि समणे णिग्गंथे संखित्त-विउलतेउलेस्से भवति, तं जहा
आयावणताए, खंतिखमाए, अपाणगेणं तवोकम्मेणं । भिक्खुपडिमा-पदं ३८७. तिमासियं' णं भिक्खुपडिम पडिवण्णस्स अणगारस्स कप्पंति तओ दत्तीओ
भोअणस्स पडिगाहेत्तए, तओ पाणगस्स ।। ३८८. एगरातियं भिक्खुपडिमं सम्म अणणुपालेमाणस्स अणगारस्स इमे तओ ठाणा
अहिताए असुभाए अखमाए अणिस्सेयसाए अणाणुगमियत्ताए भवंति, तं जहाउम्मायं वा लभिज्जा, दीहकालियं वा रोगातंक पाउणेज्जा, केवलीपण्णत्ताओ वा धम्माओ भंसेज्जा। एगरातियं भिक्खुपडिमं सम्म अणुपालेमाणस्स अणगारस्स तओ ठाणा हिताए सुभाए खमाए णिस्सेसाए आणुगामियत्ताए भवंति, तं जहा-ओहिणाणे वा से समुप्पज्जेज्जा, मणपज्जवणाणे वा से समुप्पज्जेज्जा, केवलणाणे वा से
समुप्पज्जेज्जा ॥ कम्मभूमी-पदं ३६०. जंबुद्दोवे दीवे तओ कम्मभूमीओ पण्णत्ताओ, तं जहा-भरहे, एरवए,
__ महाविदेहे ॥ ३६१. एवं -धायइसंडे दीवे पुरथिमद्धे जाव' पुक्खरवरदीवड्डपच्चत्थिमद्धे । दसण-पदं ३९२. तिविहे दंसणे पण्णत्ते, तं जहा-सम्मइंसणे, मिच्छदसणे, सम्मामिच्छदंसणे ॥ ३६३. तिविहा रुई पण्णत्ता, तं जहा–सम्मरुई, मिच्छरुई, सम्मामिच्छरुई ॥
१. अणिस्से यसाए (क्व)। २. णिस्से साते (क, ख, ग); णिस्सेयसाए (क्व)। ३. 'तमासितं (क, ग); °सिय (ख)
४. अक्खते (ख)। ५. ठा० ३।१०८ । ६. रुती (क, ख, ग) ।
Jain Education International
For Private & Personal Use Only
www.jainelibrary.org
