________________
ठाण
५७४
३६५. तिहि ठाणेहिं देवे वइस्सामित्ति जाणइ, तं जहा - विमाणाभरणाई णिप्पभाई पासित्ता, कप्परुक्खगं मिलायमाणं पासित्ता, अप्पणो तेयलेस्सं परिहाय माणि जाणित्ता - इच्चे एहिं तिहि ठाणेहिं देवे इस्सामित्ति जाणइ ॥ ३६६. तिहिं ठाणेहिं देवे उब्वेगमागच्छेज्जा, तं जहा
१. अहो ! गं मए इमाओ एतारूवाओ दिव्वाओ देविड्डीओ दिव्वाओ देवजुतीओ दिव्aाओ देवाणुभावाओ लद्धाओ पत्ताओ अभिसमण्णागताओ चइयव्वं' भविस्सति ।
२. अहो ! णं मए माउओयं पिउसुक्कं तं तदुभयसंसट्टं तप्पढमयाए आहारो आयारेयव्वो भविस्सति ।
३. अहो ! णं मए कलमल - जंबालाए असुईए उब्वेयणियाए' भीमाए गब्भवसहीए वसियव्वं भविस्सइ ।
इच्चे एहिं तिहि ठाणेहिं देवे उब्वेगमागच्छेज्जा |
विमाण-पदं
३६७. तिसंठिया विमाणा पण्णत्ता, तं जहा - वट्टा, तंसा, चउरंसा ।
१. तत्थ णं जे ते वट्टा विमाणा, ते णं पुक्खरकण्णियासंठाणसंठिया सव्वओ समंता पागार - परिक्खित्ता एगदुवारा पण्णत्ता |
२. तत्थ णं जे ते तसा विमाणा, ते णं सिंघाडगसंठाणसंठिया दुहतोपागारपरिक्खित्ता एगतो वेइया - परिक्खित्ता तिदुवारा पण्णत्ता ।
३. तत्थ णं जे ते चउरंसा' विमाणा, ते णं अक्खाडगसंठाणसंठिया सव्वतो समंतावेइया परिक्खित्ता चउदुवारा पण्णत्ता ॥
३६८. तिपतिट्टिया विमाणा पण्णत्ता, तं जहा - घणोदधिपतिट्ठिता, घणवातपइट्टिता,
ओवासंतरपट्ठिता ।।
३६६. तिविधा विमाणा पण्णत्ता, तं जहा --अवट्टिता, वेउव्विता, पारिजाणिया ||
दिट्ठि-पदं
३७०. तिविधा णेरइया पण्णत्ता, तं जहा - सम्मादिट्ठी, मिच्छादिट्ठी, सम्मामिच्छादिट्ठी |
३७१. एवं - विगलिदियवज्जं जाव' वेमाणियाणं ॥
१. चवियव्वं ( क ) ; चतियव्वं ( ख, ग ) ।
२. उब्वेवणिताते ( क, ख, ग ) ।
३. वेतिता ( क, ख, ग ) ।
४. चउरंस (क, ग ) ।
Jain Education International
५. उवट्टिता ( क ) ।
६. परिजाणिता ( क, ख, ग ) ।
७. ठा० १।१४२-१५१, १६०-१६३ ।
For Private & Personal Use Only
www.jainelibrary.org
