________________
५२४
ठाण
पण्णत्ता-बहुसमतुल्ला जाव' तं जहा–सीतप्पवायदहे चेव, सीतोदप्पवायदहे
चेव ॥ २६८. जंबुद्दीवे दीवे मंदरस्स पव्वयस्स उत्तरे णं रम्मए वासे दो पवायदहा पण्णत्ता
बहुसमतुल्ला जाव' तं जहा–णरकंतप्पवायदहे चेव, णारिकंतप्पवायद्दहे चेव ॥ २६६. एवं-हेरण्णवते वासे दो पवायदहा पण्णत्ता-बहुसमतुल्ला जाव' तं जहा
सुवण्णकूलप्पवायदहे चेव, रुप्पकूलप्पवायद्दहे चेव॥ ३००. जंबुद्दीवे दीवे मंदरस्स पव्वयस्स उत्तरे णं एरवए वासे दो पवायदहा पण्णत्ता
बहुसमतुल्ला जाव' तं जहा- रत्तप्पवायद्दहे चेव, रत्तावईपवायद्दहे चेव ।। महाणदी-पदं ३०१. जंबुद्दीवे दीवे मंदरस्स पव्वयस्स दाहिणे णं भरहे वासे दो महाणईओ
पण्णत्ताओ-बहुसमतुल्लाओ जाव' तं जहा-गगा चेव, सिंधू चेव ।।। ३०२. एवं-जहा पवातदहा, एवं गईओ भाणियव्वाओ जाव एरवए वासे दो
महाणईओ पण्णत्ताओ-बहुसमतुल्लाओ जाव' तं जहा–रत्ता" चेव, रत्तावती
चेव ।। कालचक्क-पदं ३०३. जंबुद्दीवे दीवे भरहेरवएसु वासेसु तीताए उस्सप्पिणीए सुसमदूसमाए समाए दो
सागरोवमकोडाकोडीओ काले होत्था ।। ३०४. जंबुद्दीवे दोवे भरहेरवएसु वासेसु इमीसे ओसप्पिणीए सुसमदूसमाए समाए दो
सागरोवमकोडाकोडीओ काले पण्णत्ते ॥ ३०५. जंबुद्दीवे दीवे भरहेरवएसु वासेसु आगमिस्साए उस्सप्पिणीए सुसमदूसमाए
समाए दो सागरोवमकोडाकोडीओ काले° भविस्सति ॥ ३०६. जंबुद्दीवे दीवे भरहेरवएसु वासेसु तीताए उस्सप्पिणीए सुसमाए समाए मणुया
दो गाउयाइं उड्ढं उच्चत्तेणं होत्था, दोण्णि य पलिओवमाई परमाउं
पालइत्था ॥ ३०७. एवमिमीसे ओस प्पिणीए जाव' पालइत्था ॥ ३०८. एवमागमेस्साए उस्सप्पिणीए जाव" पालयिस्संति ।। १-५. ठा० २।२८७ ।
११. सं० पा०—एवमिमीसे ओस प्पिणीए जाव ६. नईओ वि (ख)।
पण्णत्ते एवं आगमिस्साए उस्सप्पिणीए जाव ७. ठा० २।२६५-२६६ ।
भविस्सति । ८. एरावए (क, ग)।
१२. आगामेसाए (क)। ६. ठा० २।२८७ ।
१३,१४. ठा० २।३०६ । १०. रत्तिवति (क, ग)।
Jain Education International
For Private & Personal Use Only
www.jainelibrary.org
