________________
बीअं ठाणं
पढमो उद्देसो दुपओआर-पदं १. 'जदत्थि णं" लोगे तं सव्वं दुपओआरं', तं जहा-जीवच्चेव, अजीवच्चेव ।
'तसच्चेव, थावरच्चेव' । सजोणियच्चेव, अजोणियच्चेव । साउयच्चेव, अणाउयच्चेव । सइंदियच्चेव, अणिदियच्चेव । सवेयगा चेव, अवेयगा चेव । सरूवी चेव, अरूवी चेव । सपोग्गला चेव, अपोग्गला चेव । संसारसमावण्णगा चेव, असंसारसमावण्णगा चेव । सासया चेव, असासया चेव । आगासे चेव, णोआगासे चेव । धम्मे चेव, अधम्मे चेव । बंधे चेव, मोक्खे चेव । पुण्णे चेव,
पावे चेव । आसवे चेव, संवरे चेव । वेयणा चेव, णिज्जरा चेव ।। किरिया-पदं
२. दो किरियाओ पण्णत्ताओ, तं जहा–जीवकिरिया चेव, अजीवकिरिया चेव ।। ३. जीवकिरिया दुविहा पण्णत्ता, तं जहा–सम्मत्तकिरिया चेव, मिच्छत्तकिरिया
चेव ।। ४. अजीवकिरिया दुविहा पण्णत्ता, तं जहा-इरियावहिया चेव, संपराइगा चेव ।।
दो किरियाओ पण्णत्ताओ, तं जहा–काइया चेव, आहिगरणिया' चेव ।। काइया किरिया दुविहा पण्णत्ता, तं जहा--अणुवरयकायकिरिया चेव, दुपउत्तकायकिरिया चेव॥ आहिगरणिया किरिया दुविहा पण्णत्ता, तं जहा-संजोयणाधिकरणिया चेव, णिव्वत्तणाधिकरणिया चेव ।।
;
१. जदत्थि च णं (क वृपा); जदत्थि णं च (ग)। २. दुपडोयारं (क, ख, ग, वृपा)। ३. तसे चेव थावरे चेव (क्व)। ४. अणिदिएच्चेव (क, ग)।
५. अहिग ° (ग)। ६. दुप्प ° (क्व)। ७. अहिकर° (क); आहिकर ° (ग) ।
५००
Jain Education International
For Private & Personal Use Only
www.jainelibrary.org
