________________
४५६
पंचमं अज्झयणं (आयारसुर्य) अहाकम्म-पदं ८. अहाकम्माणि भुंजंति' 'अण्णमण्णे सकम्मुणा।
उवलित्ते त्ति जाणिज्जा अणवलित्ते त्ति वा पणो । ६. एएहिं दोहि ठाणेहिं ववहारो ण विज्जई ।
___ एएहिं दोहि ठाणेहि अणायारं विजाणए ।। सरीरवीरिय-पदं १०. जमिदं ओरालमाहारं कम्मगं च तमेव' य ।
सव्वत्थ वीरियं अत्थि णत्थि सव्वत्थ वीरियं ।। ११. एएहि दोहि ठाणेहिं ववहारो ण विज्जई।
एएहिं दोहि ठाणेहि अणायारं विजाणए । लोगादीणं अत्थित्त-सण्णा-पदं १२. णत्थि लोए अलोए वा णेवं सण्णं णिवेसए ।
अत्थि लोए अलोए वा एवं सण्णं णिवेसए । १३. णत्थि जीवा अजीवा वा वं सणं णिवेसए।
अस्थि जीवा अजीवा वा एवं सण्णं णिवेसए । १४. णत्थि धम्मे अधम्मे वा णेवं सणं णिवेसए ।
अत्थि धम्मे अधम्मे वा। एवं सण्णं णिवेसए॥ णत्थि बंधे व मोक्खे वा जेवं सण्णं णिवेसए ।
अत्थि बंधे व मोक्खे वा एवं सण्णं णिवेसए । १६. णत्थि पुण्णे व पावे वा । णेवं सण्णं णिवेसए।
अस्थि पुण्णे व पावे वा एवं सणं णिवेसए॥ १७. णत्थि आसवे संवरे वा णेवं सण्णं णिवेसए।
अत्थि आसवे संवरे वा एवं सण्णं णिवेसए । १८. णत्थि वेयणा णिज्जरा वा णेवं सण्णं णिवेसए।
अत्थि वेयणा णिज्जरा वा एवं सण्णं णिवेसए॥ १६. णत्थि किरिया अकिरिया वा __णेवं सण्णं णिवेसए।
अत्थि किरिया अकिरिया वा एवं सण्णं णिवेसए । २०. णत्थि कोहे व माणे वा णेवं सणं णिवेसए।
अत्थि कोहे व माणे वा एवं सण्णं णिवेसए॥
१. आहाकडाति (क); अहाकडाणि (ख)। कम्मुणा (चू)। २. चूर्णी ' जति' इति शब्दो नास्ति व्याख्यातः। ४. तहेव (ख) । ३. अन्नमन्नेसु कम्मणा (ख); अण्णमणस्स
Jain Education International
For Private & Personal Use Only
www.jainelibrary.org
