Page Text
________________
दसमं अज्झयणं (उच्चारपासवण-सत्तिक्कयं)
२०७ वा, कुलत्थाणि वा, जवाणि वा, जवजवाणि वा, 'पतिरिसु वा पतिरिति वा" पतिरिस्संति वा, अण्णयरंसि वा तहप्पगारंसि थंडिलंसि णो उच्चारपासवणं
वोसिरेज्जा ।। १७. से भिक्खू वा भिक्खुणी वा सेज्जं पुण थंडिलं जाणेज्जा- आमोयाणि वा
घसाणि वा, भिलुयाणि वा, विज्जलाणि वा, खाणुयाणि वा, कडवाणि' वा, पगत्ताणि वा, दरीणि वा, पदुग्गाणि वा, समाणि वा, विसमाणि वा,
अण्णयरंसि वा तहप्पगारंसि थंडिलंसि णो उच्चारपासवणं वोसिरेज्जा ॥ १८. से भिक्खू वा भिक्खुणी वा सेज्जं पुण थंडिलं जाणेज्जा-माणुस-रंधणाणि वा,
महिस-करणाणि वा, वसभ-करणाणि वा, अस्स-करणाणि वा कुक्कुड-करणाणि वा, लावय-करणाणि वा, वट्टय-करणाणि वा, तित्तिर-करणाणि वा, कवोयकरणाणि वा, कपिंजल-करणाणि वा, अण्णयरंसि वा तहप्पगारंसि थंडिलंसि
णो उच्चारपासवणं वोसिरेज्जा॥ १६. से भिक्खू वा भिक्खुणी वा सेज्जं पुण थंडिलं जाणेज्जा-वेहाणस-ट्ठाणेसु वा,
गिद्धपिट्ठ-ट्ठाणेसु वा, तरुपडण-ट्ठाणेसु वा, 'मेरुपडण-ट्ठाणेसु" वा, विसभक्षणट्ठाणेसु वा, अगणिफंडण-ट्ठाणेसु वा, अण्णयरंसि वा तहप्पगारंसि [थंडिलंसि ?]
णो उच्चारपासवणं वोसिरेज्जा ।। २०. से भिक्खू वा भिक्खुणी वा सेज्जं पुण थंडिलं जाणेज्जा-आरामाणि वा,
उज्जाणाणि वा, वणाणि वा, वणसंडाणि वा, देवकुलाणि वा, सभाणि वा, पवाणि वा, अण्णयरंसि वा तहप्पगारंसि थंडिलंसि णो उच्चारपासवणं
वोसिरेज्जा। २१. से भिक्खू वा भिक्खुणो वा सेज्जं पुण थंडिलं जाणेज्जा-अट्टालयाणि वा,
चरियाणि वा, दाराणि वा, गोपुराणि वा, अण्णयरंसि वा तहप्पगारंसि
थंडिलंसि णो उच्चारपासवणं वोसिरेज्जा ।। २२. से भिक्खू वा भिक्खुणी वा सेज्ज पुण थंडिलं जाणेज्जा तियाणि वा, चउक्काणि
वा, चच्चराणि वा, चउमूहाणि वा, अण्णयरंसि वा तहप्पगारंसि थंडिलंसि णो
उच्चारपासवणं वोसिरेज्जा।। २३. से भिक्खू वा भिक्खुणी वा सेज्जं पुण थंडिलं जाणेज्जा-इंगालडाहेसु वा,
खारडाहेसु वा, मडयडाहेसु वा, मडयथूभियासु वा, मडयचेइएसु वा, अण्णयरंसि
वा तहप्पगारंसि थंडिलंसि णो उच्चारपासवणं वोसि रेज्जा ।। २४. से भिक्खू वा भिक्खुणी वा सेज्जं पुण थंडिलं जाणेज्जा–णदीआययणेसु वा,
१. पइरंसु वा पइरंति वा (घ, च, छ) । २. कडंबाणि (अ, ब)। ३. •पवडण (अ, च, छ)।
४. X (छ)। ५. ° फडय (क,ख,घ,च); ° पडण (छ) ।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |