Page Text
________________
१८०
आयारचूला
पाय-परिकम्म-पदं ३२ से भिक्खू वा भिक्खुणो वा “णो णवए मे पाये" त्ति कटु णो बहुदेसिएण
तेल्लेण वा, घएण वा, णवणीएण वा, वसाए वा अब्भंगेज्ज वा, मक्खेज्ज वा ॥ ३३. से भिक्खू वा भिक्खुणी वा "णो णवए मे पाये” त्ति कटु णो बहुदेसिएण
सिणाणेण वा, कक्केण वा, लोद्धेण वा, वण्णेण वा, चुण्णण वा, पउमेण वा
आघसेज्ज वा, पघंसेज्ज वा ।। ३४. से भिक्खू वा भिक्खुणी वा “णो णवए मे पाये' त्ति कटु णो बहुदेसिएण
सीतोदग-वियडेण वा, उसिणोदग-वियडेण वा उच्छोलेज्ज वा, पधोएज्ज वा।। ३५. से भिक्खू वा भिक्खुणी वा "दुब्भिगंधे मे पाये' त्ति कटु णो बहुदेसिएण
तेल्लेण वा, घएण वा, णवणीएण वा, वसाए वा अब्भंगेज्ज वा, मक्खेज्ज वा ।। ३६. से भिक्खू वा भिक्खुणी वा "दुब्भिगंधे मे पाये" त्ति कट्ठ णो बहदेसिएण
सिणाणेण वा, कक्केण वा, लोद्धेण वा, वण्णेण वा, चुण्णण वा, पउमेण वा
आघंसेज्ज वा, पघंसेज्ज वा ।। ३७. से भिक्खू वा भिक्खुणी वा "दुब्भिगंधे मे पाये” त्ति कटु णो बहुदेसिएण
सीओदग-वियडेण वा, उसिणोदग-वियडेण वा उच्छोलेज्ज वा, पधोएज्ज वा ।। पाय-आयावण-पदं ३८. से भिक्खू वा भिक्खुणी वा अभिकखेज्ज पायं आयावेत्तए वा, पयावेत्तए वा,
तहप्पगारं पायं णो अणंतरहियाए पुढवीए, णो ससिणिद्धाए पुढवीए, णो सस रक्खाए पुढवीए, णो चित्तमंताए सिलाए, णो चित्तमंताए लेलुए, कोलावासंसि वा दारुए [अण्णयरे ? ] जीवपइट्ठिए सअंडे सपाणे सबीए सहरिए सउसे सउदए सउत्तिंग-पणग-दग-मट्टिय-मक्कडासंताणए आयावेज्ज
वा, पयावेज्ज वा ॥ ३६. से भिक्खू वा भिक्खुणी वा अभिकखेज्जा पायं आयावेत्तए वा, पयावेत्तए वा,
तहप्पगारं पायं थूणंसि वा, गिहेलुगंसि वा, उसुयालंसि वा, कामजलंसि वा, अण्णयरे वा तहप्पगारे अंतलिक्खजाए दुब्बद्धे दुन्निक्खित्ते अणिकंपे चलाचले
णो आयावेज्ज वा, णो पयावेज्ज वा ॥ ४०. से भिक्खू वा भिक्खुणी वा अभिकखेज्जा पायं आयावेत्तए वा, पयावेत्तए वा,
तहप्पगारं पायं कुलियंसि वा, भित्तिसि वा, सिलंसि वा, लेलुंसि वा, अण्णतरे वा तहप्पगारे अंतलिक्खजाए दुब्बद्धे दुन्निक्खित्ते अणिकंपे चलाचले
णो आयावेज्ज वा, णो पयावेज्ज वा ॥ ४१. से भिक्खू वा भिक्खुणी वा अभिकंखेज्जा पायं आयावेत्तए वा, पयावेत्तए वा,
तहप्पगारं पायं खंधसि वा, मंचंसि वा, मालंसि वा, पासायंसि वा,
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |