Page Text
________________
तइथं अभयणं (इरिया - तइओ उद्देसो)
१५१
कोल-सुणयं, कोकंतियं, ° चित्ताचिल्लडं - वियालं पडिप पेहाए, णो तेसिं भीओ उम्मग्गेणं गच्छेज्जा, णो मग्गाओ मग्गं संकमेज्जा, णो गहणं. वा, वर्ण वा, दुग्गं वा अणुपविसेज्जा, णो रुक्खंसि दुरुहज्जा, णो महइमहालयंसि उदयंसि कार्य विउसेज्जा, णो वाडं वा, सरणं वा, सेणं वा, सत्थं वा कंखेज्जा, अप्पुस्सुए ' 'अबहिलेस्से एगंतएणं अप्पाणं वियोसेज्ज • समाहीए, तओ संजयामेव गामाणुगामं दूइज्जेज्जा ॥
आमोसग - पदं
६०. से भिक्खू वा भिक्खुणी वा गामाणुगामं दूइज्जमाणे अंतरा से विहं सिया । सेज्जं पुर्ण विहं जाणेज्जा - इमंसि खलु विहंसि बहवे आमोसगा उवगरणपडियाए संपिंडिया गच्छेज्जा, णो तेसिं भीओ उम्मग्गेणं गच्छेज्जा, जो मग्गाओ मग्गं संक मेज्जा, णो गहणं वा, वणं वा, दुग्गं वा अणुपविसेज्जा, णो रुक्वंसि दुरुहेज्जा, णो महइमहालयंसि उदयंस कायं विउसेज्जा, जो वाडं वा, सरणं वा, सेणं वा, सत्थं वा कंखेज्जा, अप्पुस्सुए अबहिलेस्से एगंतगएणं अप्पाणं वियोसेज्ज समाहीए, तओ संजयामेव गामाणुगामं दूइज्जेजा || ६१. से भिक्खू वा भिक्खुणी वा गामाणगामं दूइज्जमाणे अंतरा से आमोसगा पिंडिया गच्छेज्जा । तेणं आमोसगा एवं वदेज्जा आउसंतो ! समणा ! 'आहर एयं वत्थं वा, पायं वा, कंबलं वा, पायपुछणं वा- देहि, णिविखवाहि । तं णो देज्जा, णो णक्खिवेज्जा, णो वंदिय-वंदिय जाएज्जा, णो अंजलि कट्टु जाज्जा, णो कलुण -पडियाए जाएज्जा, धम्मियाए जायणाए जाएज्जा, तुसिणीय-भावेण वा उवेहेज्जा ।
तणं आमोसगा 'सयं करणिज्जं " ति कट्टु अक्कोसंति वा', 'बंधंति वा, रुभंति वा, उद्दवंति वा । वत्थं वा, पायं वा, कंबलं वा, पायपुंछणं वा अच्छिदेज्ज वा, अवहरेज्ज वा, परिभवेज्ज' वा । तं णो गामसंसारियं कुज्जा, गो रायसंसारियं कुज्जा, णो परं उवसंकमित्तु बूया - आउसंतो ! गाहावइ ! एए खलु आमोसगा उवगरण -पडियाए सयं करणिज्जं ति कट्टु अक्कोसंति वा जाव परिभवेति' वा । एयप्पगारं मणं वा वई' वा णो पुरओ कट्टु, विहरेज्जा,
१. सं० पा० - अप्पुस्सुए जाव समाहीए ।
२. आहारं एवं (छ); आहर एत्थ ( अ, क, ब ) ।
३. सयं करणिज्जा करणिज्जं (च ) | ४. सं० पा० – अक्कोसंति वा जाव उद्दवंति ।
Jain Education International
५. परिट्ठ° ( अ, क, घ, च, छ, ब) । ६.
परिट्ठ ० ( अ, क, घ, च, छ, ब) ।
७. वायं (च); वयं ( छ, ग ) ।
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |