Page Text
________________
तइयं अज्झयणं (इरिया-बीओ उद्देसो)
१४५ २८. से भिक्खू वा भिक्खुणी वा उदगंसि पवमाणे णो उम्मग्ग-णिमग्गियं करेज्जा।
मामेयं उदगं कण्णेसु वा, अच्छोसु वा, णक्कंसि वा, मुहंसि वा परियावज्जेज्जा,
तओ संजयामेव उदगंसि पवेज्जा॥ २६. से भिक्खू वा भिक्खुणी वा उदगंसि पवमाणे दोब्बलियं पाउणेज्जा। खिप्पामेव
उवहिं विगिचेज्ज वा, विसोहेज्ज वा, णो चेव णं सातिज्जेज्जा'। ३०. अह पुणेवं जाणेज्जा-पारए सिया उदगाओ तीरं पाउणित्तए तओ संजयामेव
उदउल्लेण वा, ससिणिद्धेण वा काएण उदगतीरे चिट्ठज्जा ॥ ३१. से भिक्खू वा भिक्खुणी वा उदउल्लं वा ससिणिद्धं वा कायं णो आमज्जेज्ज वा,
पमज्जेज्ज वा, संलिहेज्ज वा, णिल्लिहेज्ज वा, उव्वलेज्ज वा, उव्वट्टेज्ज वा,
आयावेज्ज वा, पयावेज्ज वा ।। ३२. अह पुण एवं जाणेज्जा-विगओदए मे काए, वोच्छिन्नसिणेहे मे काए।
तहप्पगारं कायं आमज्जेज्ज वा जाव पयावेज्ज वा, तओ संजयामेव गामाणुगाम
दूइज्जेज्जा ॥ ३३. से भिक्खू वा भिक्खुणो वा गामाणुगामं दूइज्जमाणे णो परेहिं सद्धि परिजविय
परिजविय गामाणुगामं दूइज्जेज्जा, तओ संजयामेव गामाणुगामं दूइज्जेज्जा ।। जंघासंतारिम-उदग-पदं ३४. से भिक्खू वा भिक्खुणी वा गामाणुगामं दूइज्जमाणे अंतरा से जंघासंतारिमे
उदए सिया। से पुवामेव ससीसोवरियं कायं पादे य पमज्जेज्जा, पमज्जेत्ता' 'सागारं भत्तं पच्चक्खाएज्जा, पच्चक्खाएत्ता ° एगं पायं जले किच्चा, एगं पायं
थले किच्चा, तओ संजयामेव जंघासंतारिमे उदए अहारियं रीएज्जा । ३५. से भिक्ख वा भिक्खुणी वा जंघासंतारिमे उदगे अहारियं रीयमाणे, णो 'हत्थेण
हत्थं पाएण पायं, काएण कायं, आसाएज्जा। ‘से अणासायमाणे तओ
संजयामेव जंघासंतारिमे उदए अहारियं रीएज्जा। ३६. से भिक्ख वा भिक्खुणी वा जंघासतारिमे उदए अहारियं रीयमाणे णो साय
वडियाए, णो परदाह-वडियाए, महइमहालयंसि उदगंसि कायं विउसेज्जा, तओ संजयामेव जंघासंतारिमे उदए अहारियं रीएज्जा ।
१. उम्मुग्गं (घ, च, ब)। २. णिम्मुग्गियं (घ, च)। ३. सातिज्जेज्ज वा (छ)। ४. छिन्न ° (क, घ, च. ब)। ५. सं० पा०-~पमज्जेत्ता जाव एगं ।
६. उदगंसि (क, घ, च)। ७. हत्थेण वा हत्थं (अ) (सर्वत्र) । ८. से अणासादए अणा ° (अ)। ६. साया (अ)।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |