Page Text
________________
बीअं अज्झयणं (सेज्जा-तइओ उद्देसो)
१३७ . ७१. केवली बूया आयाणमेयं-अपडिलेहियाए उच्चारपासवणभूमीए, भिक्खू'
वा भिक्खणी वा राओ वा विआले वा उच्चारपासवणं परिवेमाणे पयलेज्ज वा पवडेज्ज वा। से तत्थ पयलमाणे वा पवडमाणे वा हत्थं वा पायं वा' 'बाहुं वा, ऊरु वा, उदरं वा, सीसं वा अण्णयरं वा कायंसि इंदिय-जायं ° लूसेज्ज वा पाणाणि वा' 'भूयाणि वा जीवाणि वा सत्ताणि वा अभिहणेज्ज वा, वत्तेज्ज वा, लेसेज्ज वा, संघसेज्ज वा, संघट्टेज्ज वा, परियावेज्ज वा, किलामेज्ज वा, ठाणाओ ठाणं संकामेज्ज वा, जीविआओ ववरोवेज्ज वा। अह भिक्खूणं पुवोवदिट्ठा एस पइण्णा, एस हेऊ, एस कारणं, एस उवएसो,
जं पुवामेव पण्णस्स उच्चारपासवणभूमि पडिलेहेज्जा ॥ सयण-विहि-पदं ७२. से भिक्खू वा भिक्खुणी वा अभिकखेज्जा सेज्जा-संथारग-भूमि पडिलेहित्तए,
णण्णत्थ आयरिएण वा, उवज्झाएण वा', 'पवत्तीए वा, थेरेण वा, गणिणा वा, गणहरेण वा°, गणावच्छेइएण' वा, बालेण वा, बुड्ढेण वा, सेहेण वा, गिलाणेण वा, आएसेण वा, अंतेण' वा, मझेण वा, समेण वा, विसमेण वा, पवाएण वा, णिवाएण वा 'तओ संजयामेव" पडिले हिय-पडिलेहिय, पमज्जिय-पमज्जिय बहु-फासुयं
सेज्जा-संथारगं संथरेज्जा । ७३. से भिक्खू वा भिक्खुणी वा बहु-फासुयं सेज्जा-संथारगं संथरेत्ता अभिकखेज्जा
बहु-फासुए सेज्जा-संथारए दुरुहित्तए, से भिक्खू वा भिक्खुणी वा बहु-फासुए सेज्जा-संथारए दुरुहमाणे, से पुवामेव ससीसोवरियं कायं पाए य पमज्जियपमज्जिय तओ संजयामेव बहु-फासुए सेज्जा-संथारगे दुरुहेज्जा, दुरुहेत्ता तओ
संजयामेव बहु-फासुए सेज्जा-संथारए सएज्जा ॥ ७४. से भिक्खू वा भिक्खुणी वा बहु-फासुए सेज्जा-संथारए सयमाणे, णो
अण्णमण्णस्स हत्थेण हत्थं, पाएण पायं, काएण कायं आसाएज्जा। से
अणासायमाणे तओ संजयामेव बहु-फासुए सेज्जा-संथारए सएज्जा ।। ७५. से भिक्खू वा भिक्खुणी वा उस्सासमाणे वा, णीसासमाणे वा, कासमाणे वा,
१. से भिक्खू (छ, ब)।
५. गणावच्छेएण (च)। २. सं० पा०-पायं वा जाव लूसेज्ज । ६. अन्तेन वेत्यादीनां पदानां तृतीया सप्तम्यर्थे ३. सं० पा०-पाणाणि वा जाव ववरोवेज्ज। (व)। ४. सं० पा०-उवज्झाएण वा जाव गणावच्छे- ७. X (क, घ, च, ब)। इएण।
८. पमज्जिय तओ संजयामेव (क,घ,च,छ,ब)।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |