Page Text
________________
पढम अज्झयणं (पिडेसणा-छट्ठो उद्देसो) पिहुय-आदि-कोट्टण-पदं ८२. से भिक्खू वा भिक्खुणी वा गाहावइ-कुलं पिंडवाय-पडियाए अणुपविट्ठ.समाणे °
सेज्जं पुण जाणेज्जा-पिहुयं वा, बहुरयं वा', 'भज्जियं वा, मथु वा, चाउलं वा°, चाउलपलबं वा, अस्संजए भिक्खु-पडियाए चित्तमंताए सिलाए', 'चित्तमंताए लेलुए. कोलावासंसि वा दारुए जीवपइदिए, सअंडे सपाणे सबीए सहरिए सउसे सउदए सउत्तिंग-पणग-दग-मट्टिय ° -मक्कडासंताणाए कोटेसु वा, कोट्टिति वा, कोट्टिस्संति वा, उप्पणिसु वा, उप्पणिति वा, उप्पणिस्संति वा - तहप्पगारं पिहुयं वा जाव चाउलपलंबं वा-अफासुयं 'अणेसणिज्ज ति मण्णमाणे लाभे
संते° णो पडिगाहेज्जा॥ लोण-पदं ८३. से भिक्खू वा भिक्खु णी वा गाहावइ-कुलं पिंडवाय-पडियाए अणुपविढे °
समाणे सेज्ज पुण जाणेज्जा-बिलं वा लोणं, उभियं वा लोणं, अस्संजए भिक्खु-पडियाए चित्तमंताए सिलाए', 'चित्तमंताए लेलुए, कोलावासंसि वा दारुए जीवपइट्ठिए, सअंडे सपाणे सबीए सहरिए सउसे सउदए सउत्तिंग-पणगदग-मट्टिय-मक्कडा ° संताणाए भिदिसु वा, भिंदंति वा, भिदिस्संति वा, रुचिसु वा, रुचिति वा, रुचिस्संति वा-बिल वा लोणं, उब्भियं वा लोणं-अफासुयं
•अणेसणिज्ज ति मण्णमाणे लाभे संते ° णो पडिगाहेज्जा ॥ अगणि-णिक्खित्त-पदं ८४. से भिक्खू वा 'भिक्खुणी वा गाहावइ-कुलं पिंडवाय-पडियाए अणुपविढे समाणे
सेज्ज पण जाणेज्जा- असणं वा पाणं वा खाइम वा साइमं वा अगणिणिक्खित्तं, तहप्पगारं असणं वा पाणं वा खाइमं वा साइमं वा अफासुयं"
'अणेसणिज्जं ति मण्णमाणे° लाभे संते णो पडिगाहेज्जा। ८५. केवली बूया आयाणमयं - अस्संजए" भिक्खु-पडियाए उस्सिचमाणे वा, निस्सि
चमाणे वा, आमज्जमाणे वा, पमज्जमाणे वा, ओयारेमाणे वा, उव्वत्तमाणे वा, अगणिजीवे हिंसेज्जा।
१. सं० पा०--भिक्खू वा से ज्ज । २. सं० पा०-बहुरयं वा जाव चाउलपलंबं । ३. सं० पा० -सिलाए जाव मक्कडा। ४. उप्फ° (अ, क, च)। ५. सं० पा०--अफासुयं जाव णो। ६. सं० पा०-भिक्खू वा जाव समाणे ।
७. सं० पा० ---सिलाए जाव सताणाए। ८. सं० पा०–अफासुयं जाव णो । ६. सं० पा०—भिक्ख वा जाव समाणे । १०. सं० पा०-अफासुयं लाभे । ११. असंजए (छ)। १२. ओयत्तेमाणे (अ, क); पवत्तेमाणे (छ)।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |