________________
१२
आयारचूला
सव्वभंडगमायाए-पदं ३७. से भिक्खू वा भिक्खुणी वा गाहावइ-कुलं' 'पिंडवाय-पडियाए° पविसितुकामे
सव्वं भंडगमायाए गाहावइ-कुलं पिंडवाय-पडियाए पविसेज्ज वा णिक्खमेज्ज
वा।। ३८. से भिक्खू वा भिक्खुणी वा बहिया विहार-भूमि वा वियार-भूमि वा णिक्खम
माणे वा, पविसमाणे वा सव्वं भंडगमायाए बहिया विहार-भूमि वा वियार
भूमि वा णिक्खमेज्ज वा, पविसेज्ज वा ।। ३६. से भिक्खू वा भिक्खुणी वा गामाणुगामं दूइज्जमाणे सव्वं भंडगमायाए गामाणु
गामं दूइज्जेज्जा ॥ ४०. से भिक्खू वा भिक्खुणी वा अह' पुण एवं जाणेज्जा–तिव्वदेसियं वा वासं
वासमाणं पेहाए, तिव्वदेसियं वा महियं सण्णिवयमाणि' पहाए, महावाएण वा रयं समुद्धयं पेहाए, तिरिच्छे संपाइमा वा तसा-पाणा संथडा सन्निवयमाणा पहाए, से एवं णच्चा णो सव्वं भंडगमायाए गाहावइ-कुलं पिंडवाय-पडियाए पविसेज्ज वा, णिक्खमेज्ज वा। बहिया विहार-भूमि वा वियार-भूमि वा पविसेज्ज वा, णिक्खमेज्ज वा, गामाणुगामं वा दूइज्जेज्जा।
कुल-पदं
४१. से भिक्खू वा भिक्खुणी वा सेज्जाइं पुण कुलाई जाणेज्जा, तं जहा–खत्तियाण
वा, राईण वा, कुराईण वा, रायपेसियाण वा, रायवंसट्ठियाण वा, अंतो वा बहि वा गच्छंताण वा, सण्णिविट्ठाण वा, णिमंतेमाणाण वा, अणिमंतेमाणाण वा असणं वा 'पाणं वा खाइमं वा साइमं वा अफासुयं अणेसणिज्जं ति मण्णमाणे लाभे संते णो पडिगाहेज्जा। [एयं खलु तस्स भिक्खुस्स वा भिक्खुणीए वा सामग्गियं, जं सव्वद्धेहि समिए सहिए सया जए।
–ति बेमि ॥]
१. स० पा०-गाहावइकुलं ""पविसितकामे । २. अह यं (घ, छ)। ३. ° माणं (अ, घ)। ४. तिरिच्छ (अ, क, घ, च)। ५. X (क, छ, ब); च (अ)। ६. . वंसुट्टियाणं (घ)।
७. बहियं (अ, छ); बाहियं (च); बहिया (घ)। ८. सं० पा०-असणं वा 'लाभे। ६. कोष्ठकवर्ती पाठ आदर्शषु नोपलभ्यते, किन्तु
प्रस्तुताध्ययनस्य रचनाक्रमेणासो युज्यते । उद्देशकान्ते सर्वत्र एतस्य दर्शनात् ।
Jain Education International
For Private & Personal Use Only
www.jainelibrary.org
