________________
७०
आयारो
६. संसप्पगा य जे पाणा, जे य उड्ढमहेचरा।
भुंजंति मंस-सोणियं, ण छणे ण पमज्जए । १०. पाणा देहं विहिंसंति, ठाणाओ ण विउब्भमे ।
_ 'आसवेहि विवित्तेहि', तिप्पमाणेऽहियासए । ११. गंथेहि विवित्तेहि, आउ-कालस्स पारए। इंगिणिमरण-पदं
पगहियतरगं चेयं, दवियस्स वियाणतो। १२. अयं से अवरे धम्मे, णायपुत्तेण साहिए।
आयवज्ज पडीयारं, विजहिज्जा तिहा तिहा ॥ १३. हरिएसु ण णिवज्जेज्जा, थंडिलं 'मुणिआ सए'।
विउसिज्ज अणाहारो, पुट्ठो तत्थहियासए । १४. इंदिएहि गिलायंते, समियं साहरे मुणी।
तहावि से अगरिहे", अचले जे समाहिए। १५. अभिक्कमे पडिक्कमे, संकुचए पसारए।
काय-साहारणट्ठाए , एत्थं वावि अचेयणे । १६. परक्कमे परिकिलंते, अदुवा चिटे अहायते ।
ठाणेण परिकिलंते, णिसिएज्जा य अंतसो॥ १७. 'आसीणे णेलिसं मरणं, इंदियाणि समीरए।
कोलावासं समासज्ज, वितहं पाउरेसए॥ १८. जओ वज्जं समुप्पज्जे, ण तत्थ अवलंबए।
ततो उक्कसे" अप्पाणं, सव्वे फासेहियासए ।
१. वि उब्भमे (क, ख, ग, घ, वृ)। २. अवसव्वेहिं विचित्तेहिं (चू)। ३. तप्प (छ)। ४. विचित्तेहिं (क, ख, घ, च, छ, चू)। ५. तरागं (क); ° तरं (चू)। ६. सुयाहितो (चू)। ७. मुणि आसए (च, चू)। ८. वियो (ख, ग, च, छ)। ६. आहरे (ख, ग, घ, च, छ, वृ)।
१०. अगरहे (क, ख, ग, छ)। ११. साहरण ° (क, ग, छ); संधारण (चू);
संहारण (च)। १२. इत्थं (घ)। १३. परिक्कमे (क, ख, ग, घ, च, छ) । १४. आसीण मणेलिसं (क, घ, च); उदासीणो ____ अणेलिसो (चू)। १५. उवक्कसे (ग, घ, छ)।
Jain Education International
For Private & Personal Use Only
www.jainelibrary.org
