________________
४५
पंचमं अज्झयणं (लोगसारो-पंचमो उद्देसो) सद्धा-पदं ६३. वितिगिच्छ'-समावन्नेणं अप्पाणेणं णो लभति समाधि ।। ६४. सिया वेगे अणगच्छंति, असिया वेगे अणगच्छंति.
अणुगच्छमाणेहिं अणणुगच्छमाणे कहं ण णिविज्जे ? ६५. तमेव सच्चं णीसंकं, जंजिहि पवेइयं ॥
मज्झत्थ-पदं
१६. सड्डिस्स णं समणुण्णस्स संपव्वयमाणस्स
समियंति मण्णमाणस्स एगया समिया होइ । समियंति मण्णमाणस्स एगया असमिया होइ । असमियंति मण्णमाणस्स एगया समिया होइ। असमियंति मण्णमाणस्स एगया असमिया होइ । समियंति मण्णमाणस्स समिया वा, असमिया वा, समिया होइ उवेहाए।
असमियंति मण्णमाणस्स समिया वा, असमिया वा, असमिया होइ उवेहाए । ६७. उवेहमाणो अणुवेहमाणं बूया उवेहाहि समियाए ॥ १८. इच्चेवं तत्थ संधी झोसितो भवति ।। अहिंसा-पदं ६६. उद्वियस्स ठियस्स गति समणपासह ।। १००. एत्थवि बालभावे अप्पाणं णो उवदंसेज्जा ।। १०१. तुमंसि नाम सच्चेव जं 'हंतव्वं' ति मन्नसि,
तुमंसि नाम सच्चेव जं 'अज्जावेयव्वं' ति मन्नसि, तुमंसि नाम सच्चेव जं 'परितावेयव्वं' ति मन्नसि, "तुमंसि नाम सच्चेव जं 'परिघेतव्वं' ति मन्नसि,
तुमंसि नाम सच्चेव • जं 'उद्दवेयव्वं' ति मन्नसि ।। १०२. अंजू चेय-पडिबुद्ध'-जीवी, तम्हा ण हंता ण विधायए॥ १०३. अणुसंवेयणमप्पाणेणं, जं 'हंतव्यं' ति णाभिपत्थए । आय-पदं १०४. जे आया से विण्णाया, जे विण्णाया से आया । जेण विजाणति से आया ॥
१. वितिगिछ (छ); विगिछ (शु)।
४. चेयं (क, ख, ग, च, च, छ)। २. तं चेव (क, घ, च)।
५. पडिबुज्झ (क, च, च)। ३. सं० पा०-एवं जं 'परिघेतव्वं' ति मन्नसि जं। ६. X(ख, ग, घ, च, छ)।
Jain Education International
For Private & Personal Use Only
www.jainelibrary.org
