________________
पंचमं अज्झयणं (लोगसारो - चउत्थो उद्देसो)
४३
५८. ण इमं सक्कं सिढिले हि अद्दिज्जमाणेहिं गुणासाएहिं वंकसमायारेहिं पमत्तेहिं गारमावसंतेहि ॥
५६. मुणी मोणं समायाए, धुणे कम्म सरीरगं ॥
६०. पंतं लूहं सेवंति, वीरा समत्तदसिणो ॥
६१. एस ओहंतरे मुणी, तिष्णे मुत्त विरए वियाहिए ।
उत्थो उद्देसो
अवियत्तस्स एगल्ल विहार- पदं
६२. गामाणुगामं दूइज्जमाणस्स दुज्जातं दुप्परक्कतं भवति अवियत्तस्स भिक्खणो ॥ ६३. वयसा वि एगे बुइया कुप्पंति माणवा ॥
६४. उन्नयमाणे य णरे, महता मोहेण मुज्झति ॥
६५. संबाहा बहवे भुज्जो - भुज्जो दुरतिक्कमा अजाणतो अपासतो ||
६६. एयं ते मा होउ ॥
६७. एयं कुसलस्स दंसणं ॥
६८. तद्दिट्ठीए तम्मोत्तीए' तप्पुरवकारे, तस्सण्णी तन्निवेसणे ॥
इरिया - पदं
६६. जयंविहारी चित्तणिवाती पंथणिज्भाती पलीवाहरे,' पासिय पाणे गच्छेज्जा ॥ ७०. से अभिक्कममाणे पडिक्कममाणे संकुचेमाणे पसारेमाणे विणियट्टमाणे संपलिमज्जमाणे " ॥
-त्ति बेमि ॥
कम्मणो गंध-विवेग-पदं
७१. एगया गुणसमियस्स रीयतो कायसंफासमणुचिण्णा एगतिया पाणा उद्दायंति ॥ ७२. इहलोग-वेयण वेज्जावडियं ॥
७३. जं 'आउट्टिकयं कम्मं", तं परिण्णाए" विवेगमेति ॥
७४. एवं से अप्पमाएणं, विवेगं किट्टति वेयवी ॥
१, आदिज्ज० (क); अदिज्ज ० ( ख, ग, घ, च,
छ) ।
२. 'कम्म' नास्ति (क, घ, च, छ) । ३. सम्मत्त (क, वृपा, चू) ।
४. अव्वत्तस्स ( क ) ।
५. वुज्झति (चू पा) । ६. तम्मुत्तिए (, च ) ।
Jain Education International
७. चित्तणिधायी ( चूपा) ।
८. पलिबहिरे ( क ग ) ; पलिबाहरे (च ); बलिबाहिरे (शु); पलिबाहिरे (ख, घ, छ, वृ ) ।
६. संकुच° (च) ।
१०. संपलिज्ज ० ( ख ) ।
११. आउट्टीकम्मं (क, च) ; आवट्टी कम्मं (घ ) ।
१२. परिन्नाय (क, ख, ग, घ, च, छ) ।
For Private & Personal Use Only
www.jainelibrary.org
