________________
२७
बीअं अज्झयणं (लोगविजओ-छट्ठो उद्देसो) १६३. मुणी मोणं समादाय, धुणे कम्म-सरीरगं॥ १६४. पंतं लई सेवंति. वीरा समत्तटसिणो॥ १६५. एस ओघंतरे मुणी, तिण्णे मुत्ते विरते, वियाहिते ति बेमि ॥ १६६. दुव्वसु मुणी अणाणाए । १६७. तुच्छए गिलाइ वत्तए । १६८. एस वीरे पसंसिए॥ १६६. अच्चेइ लोयसंजोयं ॥ १७०. एस णाए पवुच्चइ ॥ बंध-मोक्ख-पदं १७१. जं दुक्खं पवेदितं इह माणवाणं, तस्स दुक्खस्स कुसला परिण्णमुदाहरंति ॥ १७२. इति कम्म परिण्णाय सव्वसो।। १७३. जे अणण्णदंसी, से अणण्णारामे,
जे अणण्णारामे, से अणण्णदंसी। धम्मकहा-पदं १७४. जहा पुण्णस्स कत्थइ, तहा तुच्छस्स कत्थइ ।
जहा तुच्छस्स कत्थइ, तहा पुण्णस्स कत्थइ। १७५. अवि य हणे अणादियमाणे ॥ १७६. एत्थंपि जाण, सेयंति णत्थि । १७७. के यं पुरिसे? कं च गए? १७८. एस वीरे पसंसिए, जे बद्धे पडिमोयए॥ १७६. उड्ढं अहं तिरियं दिसासु, से सव्वतो सव्वपरिणचारी॥ १८०. ण लिप्पई छणपएण वीरे। १८१. से मेहावी अणुग्घायणस्स खेयण्णे, जे य बंधप्पमोक्खमण्णेसी ॥ १८२. कुसले पुण णो बद्धे, णो मुक्के ॥ १८३. से जं च आरभे, जं च णारभे, अणारद्धं च णारभे॥ १८४. छणं छणं परिण्णाय, लोगसण्णं च सव्वसो॥ १८५. उद्देसो पासगस्स णत्थि ॥ १८६. बाले पुण णिहे कामसमणुण्णे असमियदुक्खे दुक्खी दुक्खाणमेव आवटुं अणुपरियट्टइ।
-त्ति बेमि॥ १. धूण (चू)।
४. पतिण्ण ° (छ)। २. सम्मत्त ° (वृपा, चू)।
५. x (चू)। ३. स वच्चड (घ)।
Jain Education International
For Private & Personal Use Only
www.jainelibrary.org
