________________
पढम अज्झयणं (सत्थपरिण्णा—बीओ उद्देसो) कम्म-सोय-पदं
६. तत्थ खलु भगवया परिण्णा पवेइया । १०. इमस्स चेव' जीवियस्स, परिवंदण-माणण-पूयणाए, जाई-मरण-मोयणाए',
दुक्खपडिघायहे। संवर-साहणा-पदं ११. एयावंति सव्वावंति लोगंसि कम्म-समारंभा परिजाणियव्वा भवंति ॥ १२. जस्सेते लोगंसि कम्म-समारंभा परिण्णाया भवंति, से हु मुणी परिण्णाय-कम्मे ।
--त्ति बेमि ॥
बीओ उद्देसो अण्णाण-पदं १३. अट्टे लोए परिजुण्णे, दुस्संबोहे अविजाणए । १४. अस्सिं लोए पव्वहिए। पुढविकाइयहिंसा-पदं १५. तत्थ तत्थ पुढो पास', आतुरा परितार्वेति ॥ १६. संति पाणा पुढो सिया ॥ १७. लज्जमाणा पुढो पास ॥ १८. अणगारा मोत्ति एगे पवयमाणा ॥ १६. जमिणं विरूवरूवेहि सत्थेहि पुढवि-कम्म-समारंभेणं पुढवि-सत्थं समारंभेमाणे
अण्णे वणेगरूवे पाणे विहिंसति ।। २०. तत्थ खलु भगवया परिण्णा पवेइया ॥ २१. इमस्स चेव जीवियस्स, परिवंदण-माणण-पूयणाए, जाई-मरण-मोयणाए,
दुक्खपडिघायहेउं ॥ २२. से सयमेव पुढवि-सत्थं समारंभइ, अण्णेहि वा पुढवि-सत्थं समारंभावेइ, अण्णे
वा पुढवि-सत्थं समारंभंते समणुजाणइ । २३. तं से अहियाए, तं से अबोहीए ॥ २४. से तं संबुज्झमाणे, आयाणीयं समुट्ठाए॥
१. ° भोयणाए (चू, वृपा)। २. पच्चविए (च)। ३. पासे (क, घ)। ४. आतुरा अस्सि (वृ)।
५. संभारंभमाणा (ख, ग, छ)। ६. अणेग ° (घ, च)। ७. समारंभमाणे (घ)।
Jain Education International
For Private & Personal Use Only
www.jainelibrary.org
