________________
१२८
समवाओ गणधरगंडियाओ चक्कवट्टिगंडियाओ, दसारगंडियाओ, बलदेवगंडियाओ, वासुदेवगंडियाओ, हरिवंसगंडियाओ, भद्दबाहुगंडियाओ, तवोकम्मगंडियाओ, चित्तंतरगंडियाओ, उस्सप्पिणीगंडियाओ, ओसप्पिणगंडियाओ, अमर-नरतिरिय-निरय-गइ-गमण-विविह-परियट्टणाणुओगे, एवमाइयाओ गंडियाओ आघविज्जति पण्णविज्जति परूविज्जति दंसिज्जति निदंसिज्जति
उवदंसिज्जंति । सेत्तं गंडियाणुओगे ॥ १३०. से कि तं 'चलियाओ?
चूलियाओ"-आइल्लाणं चउण्हं पुव्वाणं चूलियाओ, सेसाइं पुव्वाइं
अचूलियाई । सेत्तं चूलियाओ॥ १३१. दिढिवायस्स णं परित्ता वायणा संखेज्जा अणुओगदारा' 'संखेज्जाओ
पडिवत्तीओ संखेज्जा वेढा संखेज्जा सिलोगा • संखेज्जाओ निज्जुत्तीओ संखेज्जाओ संगहणीओ। से णं अंगठ्ठयाए बारसमे अंगे एगे सुयखंधे चोद्दस पुवाई संखेज्जा वत्थू संखेज्जा चूलवत्थू खेज्जा पाहुडा संखेज्जा पाहुडपाहुडा संखेज्जाओ पाहुडियाओ संखेज्जाओ पाहुडपाहुडियाओ संखेज्जाणि पयसयसहस्साणि पयग्गेणं, संखेज्जा अक्खरा अणंता गमा अणंता पज्जवा परित्ता तसा अणंता थावरा सासया कडा णिबद्धा णिकाइया जिणपण्णत्ता भावा आघविज्जंति पण्णविज्जति परूविज्जति दंसिज्जति निदंसिज्जति उवदंसिज्जंति । से एवं आया एवं णाया एवं विण्णाया एवं चरण-करण-परूवणया आधविज्जति' 'पण्णविज्जति परूविज्जति दंसिज्जति निदंसिज्जति
उवदंसिज्जति ° । सेत्तं दिट्ठिवाए । सेत्तं दुवालसंगे गणिपिडगे। १३२. इच्चेतं दुवालसंगं गणिपिडगं अतीते काले अणंता जीवा आणाए विराहेत्ता
चाउरतं संसारकंतारं अणुपरियट्टिसु । इच्चेतं दुवालसंगं गणिपिडगं पडुप्पण्णे काले परित्ता जीवा आणाए विराहेत्ता चाउरतं संसारकंतारं अणुपरियर्सेति । इच्चेतं दुवालसंगं गणिपिडगं अणागए काले अणंता जीवा आणाए विराहेत्ता चाउरतं संसारकतारं अणुपरियट्टिस्संति । इच्चेतं दुवालसंगं गणिपिडगं अतीते काले अणंता जीवा आणाए आराहेत्ता चाउरंतं संसारकतारं विइवइंसु ।
१. चूलियाणुओगे जामं (ग)। २. चूलियाओ एवं विण्णाते (ग)। ३. सं० पा०-अणुओगदारा जाव संखेज्जाओ।
४. चुल्ल ° (ग)। ५. सं.पा.---आपविज्जति ।
Jain Education International
For Private & Personal Use Only
www.jainelibrary.org
