________________
चउणउइइमो समवाओ
१०३
२. अजियस्स णं अरहओ नउइं गणा नउइं गणहरा होत्था ।। ३. "संतिस्स णं अरहओ नउइं गणा नउइं गणहरा होत्था° ॥ ४. सयंभुस्स णं वासुदेवस्स णउइवासाइं विजए होत्था । ५. सव्वेसि णं वट्टवेयड्डपव्वयाणं उवरिल्लाओ सिहरतलाओ सोगंधियकंडस्स हेटिल्ले चरिमंते, एस णं नउइं जोयणसयाइं अबाहाए अंतरे पण्णत्ते ॥
एक्काणउइइमो समवाओ १. एक्काणउई परवेयावच्चकम्मपडिमाओ पण्णत्ताओ॥ २. कालोए णं समुद्दे एक्काणउई जोयणसहस्साइं साहियाई परिक्खेवेणं पण्णत्ते ॥ ३. कुंथस्स णं अरहओ एक्काणउई आहोहियसया होत्था ।। ४. आउय-गोय-वज्जाणं छण्हं कम्मपगडीणं एक्काणउई उत्तरपगडीओ पण्णत्ताओ॥
बाणउइइमो समवाओ १. बाणउइं पडिमाओ पण्णत्ताओ॥ २. थेरे णं इंदभूती बाणउई वासाइं सव्वाउयं पालइत्ता सिद्धे बुद्धे' 'मुत्ते अंतगडे
परिणिव्वुडे सव्वदुक्खप्पहीणे° ॥ ३. मंदरस्स णं पव्वयस्स बहुमज्झदेसभागाओ गोथुभस्स आवासपव्वयस्स पच्चत्थि
मिल्ले चरिमंते, एस णं बाणउइं जोयणसहस्साइं अबाहाए अंतरे पण्णत्ते ॥ ४. एवं चउण्हपि आवासपव्वयाणं ।।
तेणउइइमो समवाओ. १. चंदप्पहस्स णं अरहओ तेणउई गणा तेणउई गणहरा होत्था ॥ २. संतिस्स णं अरहओ तेणउई चउद्दसपुव्विसया होत्था ॥ ३. तेणउइं मंडलगते णं सूरिए अतिवट्टमाणे निवट्टमाणे वा समं अहोरत्तं विसमं
करेइ॥
चउणउइइमो समवाओ १. निसहनीलवंतियाओ णं जीवाओ चउणउइं-चउणउई जोयणसहस्साइं एक्कं
छप्पण्णं जोयणसयं दोण्णि य एगूणवीसइभागे जोयणस्स आयामेणं पण्णत्ताओ॥ २. अजियस्स णं अरहओ चउणउई ओहिनाणिसया होत्था ।
१. सं० पा०-एवं संतिस्सवि। २. साहितेणं (क)।
३. सं० पा०-बुद्धे । ४. अनियट्टमाणे (क)।
Jain Education International
For Private & Personal Use Only
www.jainelibrary.org
