________________ छठी दशा ग्यारह उपासक-प्रतिमाएँ सुयं मे पाउस तेणं भगवया एवमक्खायं-इह खलु थेरेहि भगवंतेहि एक्कारस उवासगपडिमानो पण्णत्तानो। ५०-कयरानो खलु ताओ थेरेहि भगवंतेहि एक्कारस उवासगपडिमानो पण्णताओ? उ.-इमानो खलु तामो थेरेहि भगवंतेहिं एक्कारस उवासगपडिमाओ पप्णत्ताओ तं जहा 1. दसण-पडिमा, 2. वय-पडिमा, 3. सामाइय-पडिमा, 4. पोसह-पडिमा, 5. काउस्सग्गपडिमा, 6. बंभचेर-पडिमा, 7. सचित्तपरिणाय-पडिमा, 8. आरंभपरिण्णाय-पडिमा, 9. पेसपरिण्णाय-पडिमा, 10. उद्दिट्ठभत्तपरिण्णाय-पडिमा, 11. समणभूय-पडिमा। तत्थ खलु इमा पढमा उवासगपडिमा सव्वधम्मरुई यावि भवति / तस्स णं बहूई सीलवयगुणवयवेरमणपच्चक्खाणपोसहोववासाई नो सम्मं पट्टवियाई भवंति, पढमा उवासगपडिमा। प्रहावरा दोच्चा उवासगपडिमा-सव्वधम्मरुई यावि भवइ, तस्स णं बहूई सीलवयगुणवयवेरमणपक्चक्खाणपोसहोववासाई सम्मं पढवियाई भवंति, से गं सामाइयं देसावगासियं नो सम्म अणुपालित्ता भवइ, दोच्चा उवासगपडिमा। अहावरा तच्चा उवासगपडिमा-सव्वधम्मरुई यावि भवइ, तस्स गं बहूई सीलवयगुणवयवेरमणपच्चक्खाणपोसहोदवासाइं सम्म पदवियाई भवंति / से णं सामाइयं देसावगासियं सम्म अणुपालित्ता भवइ, से णं चउद्दसट्ठमुदिट्ठपुण्णमासिणीसु पडिपुण्णं पोसहोववासं नो सम्म अणुपालित्ता भवइ, तच्चा उवासगपडिमा। अहावरा चउत्था उवासग पडिमा सव्वधम्मरुई यावि भवइ, तस्स णं बहूई सीलवयगुणवयवेरमणपच्चक्खाणपोसहोववासाई सम्मं पट्टवियाइं भवति / से णं सामाइयं देसावगासियं सम्म अणुपालित्ता भवइ / से णं चउद्दसट्ठमुद्दिष्टपुण्णमासिणीसु पडिपुण्णं पोसहोयवासं सम्म अणुपालित्ता भवइ। से गं एगराइयं काउस्सगपडिमं नो सम्मं अणुपालित्ता भवइ / चउत्था उवासगपडिमा। _प्रहावरा पंचमा उवासगपडिमा सम्बधम्मरुई यावि भवइ / तस्स णं बहूइं सीलवयगुणवयवेरमणपच्चक्खाणपोसहोववासाइं सम्मं पढवियाई भवंति / से णं सामाइयं देसावगासियं सम्म अणुपालिता भवइ / से णं चउद्दसट्ठमुद्दिट्ठपुण्णमासिणीसु पडिपुण्णं पोसहोववासं सम्म अणुपालित्ता भवंह। Jain Education International For Private & Personal Use Only www.jainelibrary.org
