Page Text
________________ पञ्चम वक्षस्कार [285 तिनाणं, तारयाणं, बुद्धाणं, बोहयाणं, मुत्ताणं, मोअगाणं, सव्वन्नूणं, सम्वदरिसीणं, सिवमयलमरुप्रमणन्तमक्खयमवावाहमपुणरावित्तिसिद्धिगइणामधेयं ठाणं संपत्ताणं णमो जिणाणं, जिअभयाणं / णमोऽस्थ णं भगवनो तित्थगरस्स प्राइगरस्स (सिद्धिगइणामधेयं ठाणं) संपाविउकामस्स वंदामि णं भगवन्तं तत्थगयं इहगए, पासउ मे भयवं ! तत्थगए इहगयंति कटु वन्दइ णमंसइ 2 ता सोहासणवरंसि पुरत्थाभिमुहे सण्णिसण्णे / तए णं तस्स सक्कस्स देविदस्स देवरणो अयमेवारूवे जाव' संकप्पे समुपज्जित्था-उप्पण्णे खलु भो जम्बुद्दीवे दीवे भगवं तित्थयरे, तं जीप्रमेयं तोअपच्चुप्पण्णमणागयाणं सक्काणं देविदाणं, देवराईणं तित्थयराणं जम्मणमहिमं करेत्तए, तं गच्छामि णं अहं पि भगवनो तित्थगरस्स जम्मणमहिम करेमि त्ति कटु एवं संपेहेइ 2 त्ता हरिणेगमेसि पायत्ताणीयाहिवई देवं सद्दावेति 2 ता एवं वयासीखिप्पामेव भो देवाणुप्पिया ! सभाए सुधम्माए मेघोघरसिअं गंभीरमहुरयरसई जोयणपरिमण्डलं सुघोस सूसरं घंटे तिक्खुत्तो उल्लालेमाणे 2 महया महया सद्देणं उग्घोसेमाणे 2 एवं वयाहि आणवेइ णं भो सक्के देविदे देवराया, गच्छइ णं भो सक्के देविदे देवराया जम्बुद्दोवे 2 भगवनो तित्थयरस्स जम्मणमहिमं करित्तए, तं तुम्भे वि णं देवाणुप्पिया! सव्विद्धोए, सव्वजुईए, सव्वबलेणं, सव्वसमुदएणं, सन्यायरेणं, सवविभूईए, सव्वविभूसाए, सव्वसंभमेणं, सव्वणाडएहिं, सम्वोवरोहेहि, सम्वपुप्फगन्धमल्लालंकारविभूसाए, सव्वदिव्वतुडिअसद्दसण्णिणाएणं, महया इद्धीए, (महया जुईए, महया बलेणं, महया समुदएणं, महया प्रायरेणं, महया विभूईए, मह्या विभूसाए, महया संभमेणं, महेहि णाडएहि, महेहिं उवरोहेहि, महया पुष्फ-गन्ध-मल्लालंकार-विभूसाए, महया दिव्व-तुडिअ-सह-सणिणाएणं) रवेणं णियपरिपालसंपरिवुडा सयाई 2 जाणविमाण-वाहणाई दुरूढा समाणा अकालपरिहीणं चेव सक्कस्स (देविदस्स देवरणो) अंतिअं पाउन्भवह / तए णं से हरिणेगमेसी देवे पायत्ताणीयाहिवई सक्केणं (देविदेणं, देवरण्णा) एवं वृत्ते समाणे हद्वतुट्ठ जाव' एवं देवोत्ति प्राणाए विणएणं वयणं पडिसुणेइ 2 ता सक्कस्स 3 अंतिप्रायो पडिणिक्खमह 2 ता जेणेव सभाए सुहम्माए, मेघोघरसिगंभीरमहरयरसद्दा, जोपणपरिमंडला, सुघोसा घण्टा, तेणेव उवागच्छइ 2 ता मेघोघरसिनगंभीरमहरयरसइं, जोअण-परिमंडलं, सुघोसं घण्टं तिक्खुत्तो उल्लालेइ / तए णं तोसे मेघोघरसिअगंभीरमहरयर-सद्दाए, जोषण-परिमंडलाए, सुघोसाए घण्टाए तिक्खुत्तो उल्लालिमाए समाणीए सोहम्मे कप्पे अण्णेहिं एगृहिं बत्तीसविमाणावाससयसहस्सेहि, अण्णाई एगूणाई बत्तीसं घण्टासयसहस्साई जमगसमगं कणकणारावं का पयत्ताई हुत्था इति / तए णं सोहम्मे कप्पे पासायविमाणनिक्खुडावडिअसद्दसमुट्ठिअघण्टापडेसुप्रासयसहस्ससंकुले जाए प्रावि होत्था इति / 1. देखें सूत्र संख्या 68 2. देखें सूत्र संख्या 44 Jain Education International For Private & Personal Use Only www.jainelibrary.org
| SR No. | 003486 |
| Book Title | Agam 18 Upang 07 Jambudveep Pragnapti Sutra Stahanakvasi |
| Original Sutra Author | N/A |
| Author | Madhukarmuni, Chhaganlal Shastri, Shobhachad Bharilla |
| Publisher | Agam Prakashan Samiti |
| Publication Year | 1986 |
| Total Pages | 480 |
| Language | Prakrit, Hindi |
| Classification | Book_Devnagari |
| File Size | 13 MB |