Page Text
________________ चतुर्थ वक्षस्कार] [191 बहुसमरमणिज्जस्स भूमिभागस्स बहुमझदेसभाए एत्थ णं महं एगे सिद्धाययणे पण्णत्ते, पण्णासं जोअणाई आयामेणं, पणवीसं जोषणाई विक्खंभेणं, छत्तीसं जोअणाई उद्ध उच्चत्तेणं जाव जिणपडिमावष्णो भाणिश्रव्यो। कहि णं भन्ते ! चुल्लहिमवन्ते वासहरपव्वए चुल्लहिमवन्तकूड़े णामं कूडे पण्णत्ते ? गोयमा ! भरहकूडस्स पुरथिमेणं सिद्धाययणकूडस्स पच्चस्थिभेणं, एत्थ णं चुल्लहिमवन्ते वासहरपव्वए चुल्लहिमवन्तकूडे णामं कूडे पण्णत्ते / एवं जो चेव सिद्धाययणकूडस्स उच्चत्तबिक्खंभ-परिक्खेवो जाव बहुसमरमणिज्जस्स भूमिभागस्स बहुमझदेसभाए एत्थ णं महं एगे पासायवडेंसए पण्णत्ते, वाष्टुिं जोअणाई प्रद्धजोअणं च उच्चत्तेणं, इक्कतीसं जोप्रणाई कोसं च विक्खंभेणं, अब्भुग्गयमूसिनपहसिए विव, विविहमणिरयणभत्तिचित्ते, वाउद्धअविजयवेजयंतीपडागच्छत्ताइछत्तकलिए, तुंगे गगणतलमभिलंघमाणसिहरे, जालंतररयणपंजरुम्मीलिएन्व, मणिरयणभिआए, विअसिअसयवत्तपुंडरीअतिलयरयणद्धचंदचित्ते, णाणामणिमयदामालकिए, अंतो बहिं च सण्हे वइरतवणिज्जरइलवालुगापत्थडे, सुहफासे, सस्सिरीअरूवे, पासाईए (दरिसणिज्जे अभिरूवे) पडिरूहे। तस्स णं पासायबडेंसगस्स अंतो बहुसमरमणिज्जे भूमिभागे पण्णत्ते जाव सीहासणं सपरिवार। से केणठेणं भन्ते ! एवं वुच्चइ चुल्लहिमवन्तकूडे 2 ? / गोयमा ! चुल्लहिमवन्ते णाम देवे महिड्डिए जाव परिवसइ / कहिणं भन्ते ! चुल्लहिमवन्तगिरिकुमारस्स देवस्स चुल्लहिमवन्ता णामं रायहाणो पण्णत्ता? गोयमा ! चुल्लहिमवन्तकूडस्स दक्षिणेणं तिरियमसंखेज्जे दीवसमुद्दे वीइवइत्ता अण्णं जम्बुद्दीवं 2 दक्षिणेणं बारस जोश्रण-सहस्साई ओगाहित्ता इत्थ णं चुल्लाहिमवन्तस्स गिरिकुमारस्स देवस्स चुल्लहिमवन्ता णामं रायहाणी पण्णत्ता, बारस जोअणसहस्साई आयामविक्खंभेणं, एवं विजयरायहाणीसरिसा भाणिसव्वा / एवं अवसेसाणवि कूडाणं वत्तव्वया अव्वा, प्रायामविक्खंभपरिक्खेवपासायदेवयाओ सीहासणपरिवारो अट्ठो अ देवाण य देवीण य रायहाणीओ णेग्नवानो, चउसु देवा 1. चुल्लहिमवन्त 2. भरह 3. हेमवय 4. वेसमणकूडेसु, सेसेसु देवयाओ / से केणठेणं भन्ते ! एवं बुच्चइ चुल्ल हिमवन्ते वासहरपव्वए ? गोयमा ! महाहिमवन्त-यासहर-पव्वयं पणिहाय प्रायामुच्चत्तुवेहविक्खंभपरिक्खेवं पडुच्च ईसि खुडतराए चेव हस्सतराए चेव णोअतराए चेव, चुल्ल हिमवन्ते अ इत्थ देवे महिड्डीए जाव' पलिओवमट्ठिइए परिवसइ, से एएणठेणं गोयमा ! एवं वुच्चइ-चुल्ल हिमवन्ते वासहरपव्वए 2, अदुत्तरं च णं गोयमा ! चुल्लहिमवन्तस्स सासए णामधेज्जे पण्णत्ते जंण कयाइ णासि / _[12] भगवन् ! चुल्ल हिमवान् वर्षधर पर्वत के कितने कूट-शिखर बतलाये गये हैं ? 1. देखें सूत्र संख्या 14 2. देखें सूत्र संख्या 14 Jain Education International For Private & Personal Use Only www.jainelibrary.org
| SR No. | 003486 |
| Book Title | Agam 18 Upang 07 Jambudveep Pragnapti Sutra Stahanakvasi |
| Original Sutra Author | N/A |
| Author | Madhukarmuni, Chhaganlal Shastri, Shobhachad Bharilla |
| Publisher | Agam Prakashan Samiti |
| Publication Year | 1986 |
| Total Pages | 480 |
| Language | Prakrit, Hindi |
| Classification | Book_Devnagari |
| File Size | 13 MB |