________________ 10] [सूर्यप्रज्ञप्तिसूत्र तंसि देसंसि तं तं अद्धमंडलसंठिति संकममाणे संकममाणे दाहिणाए अंतराए भागाए तस्सादिपदेसाए सव्वबाहिरं उत्तरं अद्धमंडलसंठिति उवसंकमित्ता चारं चरइ / ता जया णं सूरिए सव्वबाहिरं उत्तरं अद्धमंडलसंठिति उवसंकमित्ता चारं चरइ, तया गं उत्तमकठ्ठपत्ता उक्कोसिया अट्ठारसमुहुत्ता राई भवइ, जहण्णए दुवालसमुहुत्ते दिवसे भवइ / एस गं पढमे छम्मासे, एस णं पढमस्स छम्मासस्स पज्जवसाणे / से पविसमाणे सूरिए दोच्चं छम्मासं अयमाणे पढमंसि अहोरत्तसि उत्तराए अंतराए भागाए तस्सादिपदेसाए बाहिराणंतरं दाहिणं अद्धमंडलसंठिति उवसंकमित्ता चारं चरइ, ता जया णं सूरिए बाहिराणंतरं दाहिणअद्धमंडलसंठिति उवसंकमिता चारं चरइ, तया णं अट्ठारसमुहुत्ता राई भवइ, दोहिं एगठ्ठिभागमुत्तेहि ऊणा, __ दुवालसमुहत्ते दिवसे भवइ, दोहि एट्ठिभागमुहुत्तेहि अहिए, से पविसमाणे सरिए दोच्चंसि अहोरत्तंसि दाहिणाए अंतराए भागाए तस्सादिपदेसाए बाहिरंतरं तच्चं उत्तरं अद्धमंडलसंठिति उवसंकमित्ता चार चरइ, ता जया णं सूरिए बाहिरं तच्चं उत्तरं अद्धमंडलसंठिति उवसंकमित्ता चारं चरइ, तया गं अट्ठारसमुहुत्ता राई भवइ, चहिं एगट्ठिभागमुहुर्तेहि ऊणा, दुवालसमुहुत्ते दिवसे भवइ, चहिं एगट्ठिभागमुहुत्तेहि अहिए, __ एवं खलु एएणं उवाएणं पविसमाणे सूरिए तयाणंतराओ मंडलाओ तयाणंतरंसि तंसि तंसि देसंसि तं तं अद्धमंडलसंठिई संकममाणे संकममाणे उत्तराए अंतराए भागाए तस्सादिपदेसाए सव्वन्भंतरं दाहिणं अद्धमंडलसंठिई उवसंकमित्ता चारं चरइ। ताजया णं सूरिए सम्बन्भंतरं दाहिणं अद्धमंडलसंठिति उबसंकमित्ता चारं चरइ, तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ / एस णं दोच्चे छम्मासे, एस णं दोच्चस्स छम्मासस्स पज्जवसाणे, एस णं आइच्चे संवच्छरे, एस णं आइच्चस्स संवच्छरस्स पज्जवसाणे / सूरस्स उत्तरा अद्धमंडलसंठिई 13. ता कहं ते उत्तरा अद्धमंडलसंठिई आहितेति वदेज्जा ? ता अयण्णं जंबहीवे दीवे सव्वदीव-समदाणं सन्चभंतराए सवखड्डागे वट्ट जाव जोयणसयसहस्समायाम-विक्खंभेणं, तिण्णि जोयणसयसहस्साई, दोन्नि य सत्तावीसे जोयणसए, तिण्णि कोसे अट्ठावीसं च धणुसयं, तेरस य अंगुलाई, अद्धंगुलं च किंचि विसेसाहिए परिक्खेवेणं पण्णत्ते, Jain Education International For Private & Personal Use Only www.jainelibrary.org
