________________ [सूर्यप्राप्तिसूत्र सव्वसूरमंडलमग्गे सूरस्स गमणागमण-राइंदियप्पमाणं 9. ता जया णं सूरिए सव्वम्भंतराओ मंडलामो सम्वबाहिरं मंडलं उपसंकमित्ता चारं चरइ, सम्वबाहिराओ मंडलाओ सम्वन्भंतरं मंडलं उवसंकमित्ता चारं चरइ, एस णं अद्धा केवइयं राइंदियग्गे णं आहिते ति वदेज्जा? ता तिणि छावठे राइंदियसए राइंदियगे णं आहिते ति वदेज्जा। सूरमंडलेसु सूरस्स सई दुक्खुत्तो वा चारं 10. ता एताए अद्धाए सूरिए कति मंडलाई चरइ ? ता चुलसीयं मंडलसयं चरइ। बासीइ मंडलसयं दुक्खुत्तो चरइ, तं जहा-णिक्खममाणे चेव, पवेसमाणे चेव / दुवे य खलु मंडलाइं सई चरइ, तं जहा–सन्चभंतरं चेव मंडलं, सम्बबाहिरं चेव मंडलं / प्राइच्चसंवच्छरे अहोरत्तप्पमाणं 11. जइ खलु तस्सेव आदिच्चस्स संवच्छरस्स सई अद्वारसमुहत्ते दिवसे भवइ सइं अट्ठारसमुहुत्ता राई भवइ, सई दुवालसमुहुत्ते दिवसे भवइ, सई दुवालसमुहुत्ता राई भवइ, पढमे छम्मासे-अस्थि अट्ठारसमुहुत्ता राई भवइ, नस्थि अट्ठारसमुहत्ते दिवसे, अस्थि दुवालसमुहुत्ते दिवसे, नस्थि दुवालसमुहुत्ता राई भवइ / दोच्चे छम्मासे-अस्थि अट्ठारसमुहुत्ते दिवसे भवइ, नस्थि अट्ठारसमुहत्ता राई, अस्थि दुवालसमुहुत्ता राई, नस्थि दुवालसमुहुत्ते दिवसे भवइ / पढमे छम्मासे वा दोच्चे छम्मासे वा पत्थि पण्णरसमुहुत्ते विवसे भवइ, णत्थि पण्णरसमुहुत्ता राई भवइ / तत्थ णं कं हे वदेज्जा? ता अयण्णं जंबुद्दीवे दीवे सव्वदोव-समुदाणं सवभंतराए सव्वखुड्डागे वट्टे जाव जोयणसयसहस्समायाम-विषखंभे णं, तिनि जोयण-सयसहस्साई दोन्नि य सत्तावीसे जोयणसए तिन्नि कोसे, अट्ठावीसं च धणुसयं, तेरस य अंगुलाई, अद्धंगुलं च किंचि विसेसाहिए परिक्खेवे णं पण्णत्ते / ता जया णं सूरिए सम्वन्भंतर-मण्डलं उवसंकमित्ता चारं चरइ, तया णं उत्तमकट्टपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ, से निक्खममाणे सरिए नवं संवच्छरं अयमाणे पढमंसि अहोरत्तंसि अभिंतरातरं मंडलं उवसंकमित्ता चारं चरइ, Jain Education International For Private & Personal Use Only www.jainelibrary.org
