________________ 202] [सूर्यप्रज्ञप्तिसूत्र अत्थत्थी अत्थगवेसणयाए सोलसबासविष्यवसिए, से णं ततो लढे कयकज्जे अणहसमग्गे पुणरवि णियगधरं हत्वमागए, पहाए कयबलिकम्मे कयकोउयमंगलपायच्छित्ते सुद्धप्पवेसाई मंगलाई वत्थाई पवरपरिहिए, अप्प-महग्घाभरणालंकियसरीरे, मणुण्णं थालीपाकसुद्धं अट्ठारसवंजणाउलं भोयणं भुत्ते समाणे, तंसि तारिसगंसि वासघरंसि अंतो सचित्तकम्मे, बाहिरओ दूमियघटुमठे विचित्तउल्लोअ-चिल्लियतले बहुसमसुविभत्तभूमिभाए, मणिरयण-पणासियंधयारे / कालागुरू-पवरकुदुरुक्क-तुरुक्क-धूव-मघमघेतगंधुद्धयाभिरामे सुगंधवरगंधिए, गंधर्वाट्ट तंसि तारिसगंसि सयणिज्जंसि दुहओ उण्णए मज्झे णयगंभीरे उभओ सालिगणट्टिए, उभओ पण्णत्तगंडबिब्बोयणे, सुरम्मे गंगापुलिण-बालुआ-उद्दाल-सालिसए सुविरइयरयत्ताणे, ओयविय-खोमियखोमदुगूलपट्टपडिच्छायणे, रत्तंसुयसंवडे, सुरम्मे आईणग-रूय-बूर-णवणीय-तूलफासे, सुगंधवर-कुसुमचुष्ण-सयणोवयारकलिए, ताए तारिसाए भारियाए सद्धि सिंगारागारचारुबेसाए संगत-हसित-णित-चिट्ठित संलाव-विलास-णिउणजुत्तोवयारकुसलाए अणुरत्ताविरत्ताए मणोऽणुकूलाए सद्धि एगंतरतिपसत्ते अण्णत्थ कत्थई मणं अकुवमाणे इठे सद्द-फरिस-रस-रूव-गंधे पंचविहे माणुस्सए कामभोगे पच्चणुभवमाणे विहरिज्जा। प. ता से णं पुरिसे विउसमणकालसमयसि केरिसए सायासोक्खं पच्चणुभवमाणे विहरइ ? उ. उरालं समणाउसो! ता तस्स णं पुरिसस्स कामभोहितो एत्तो अणंतगुणविसिटुतरा चेव वाणमंतराणं देवाणं कामभोगा, वाणमंतराणं देवाणं काम-भोगेहितो अणतगुणविसिटुतरा चेव असुरिंदवज्जियाणं भवणवासीणं देवाणं कामभोगा, असुरिंदवज्जियाणं देवाणं काम-भोगेहितो एत्तो अणंतगुणविसिट्टतरा चेव असुरकुमाराणं इंदभूयाणं देवाणं कामभोगा, Jain Education International For Private & Personal Use Only www.jainelibrary.org
