________________ 200] [सूर्यप्रज्ञप्तिसूत्र वा सूरस्स वा लेसं दाहिणपञ्चस्थिमेणं आवरित्ता उत्तरपुरथिमेणं बीईवयइ, तया णं दाहिणपच्चत्थिमेणं चंदे वा, सूरे वा उवदंसेइ उत्तरपुरस्थिमेणं राहू। एएणं अभिलावेणं उत्तरपच्चत्थिमेणं आवरेत्ता दाहिणपुरस्थिमेणं वोईवयई, उत्तरपुरस्थिमेणं आवरेत्ता दाहिणपच्चत्थिमेणं वीईवयइ।। ता जया णं राहू देवे आगच्छमाणे वा गच्छमाणे वा, विउद्वेमाणे वा, परियारेमाणे वा, चंदस्स वा सूरस्स वा लेस्सं आवरेत्ता वोईवयइ तया णं माणुसलोयंसि मणुस्सा एवं वयंति "राहुणा चंदे वा, सूरे वा गहिए।" ता जया णं राहू देवे आगच्छमाणे वा, गच्छमाणे वा विउग्वेमाणे वा, परियारेमाणे वा, चंदस्स वा सूरस्स वा लेसं आवरेत्ता पासेणं वीईवयइ, तया णं माणुसलोयंसि मणुस्सा एवं वयंति—"चंदेण वा, सूरेण वा राहुस्स कुच्छी भिण्णा / ता जया णं राहू देवे आगच्छमाणे वा, गच्छमाणे वा, विउव्वेमाणे वा, परियारेमाणे वा, चंदस्स वा, सरस्स वा लेसं आवरेसा पच्चोसक्कइ तया णं माणुसलोयंसि मणुस्सा एवं वयंति-"राहुणा चंदे वा सूरे वा बंते / " ता जया णं राहू देवे आगच्छमाणे वा, गच्छमाणे वा, विउन्वेमाणे वा, परियारेमाणे वा, चंदस्स वा, सूरस्स वा लेसं आवरेत्ता मज्झं मज्झेणं वीईवयइ, तया णं माणुसलोयंसि मणुस्सा एवं वयंति"राहुणा चंदे वा, सूरे वा विइयरिए।" ता जया णं राहू देवे आगच्छमाणे वा, गच्छमाणे वा, विउब्वेमाणे वा, परियारेमाणे वा, चंदस्स वा सूरस्स वा लेसं आवरेत्ता अहे सक्खि सपडिदिसि चिट्ठइ, तया णं माणुसलोयंसि मणस्सा एवं वयंति-"राहुणा चंदे वा सूरे वा धत्थे।" राहुस्स दुविहत्तं प. कइविहे णं राहू पण्णते? उ. दुविहे पण्णत्ते, तंजहा-ता धुवराहू य पव्वराहू य / क. तत्थ णं जे से धुवराहू से गं बहुलपक्खस्स पाडिवए पण्णरसइ भागेणं भागं चंदस्स लेसं आवरेमाणे आवरेमाणे चिट्ठइ, तंजहा-पढमाए पढमं भाग, जाव पण्णरसमीए पण्णरसमं भागं। चरमे समए चंदे रत्ते भवइ, प्रवसेसे समए चंदे रत्ते य, विरत्ते य भवइ / Jain Education International For Private & Personal Use Only www.jainelibrary.org
