________________ बीसवां प्राभूत चंदिम-सूरियाणं अणुभावो 102, प. ता कहं ते अणुभावे ? आहिए त्ति वएज्जा / उ. ता तत्थ खलु इमाओ दो पडिवत्तीओ पण्णत्ताओ, तंजहा-- 1. तत्थेगे एवमाहंसु ता चंदिम-सूरिया णंनो जीवा, अजीवा, नो घणा, झुसिरा, नो बादरबोंदिधरा कलेवरा / नत्थि णं तेसि 1. उट्ठाणेइ वा, 2. कम्मेइ वा, 2. बलेइ वा, 4. वीरिएइ वा, 5. पुरिसक्कारपरक्कमेइ वा। नो विज्जु लवंति, नो असणि लवंति, नो धणियं लवंति। अहे य णं बादरे वाउकाए संमुच्छइ, संमुच्छित्ता विज्जु पि लवंति, अणि पि लवंति, थणियं पिलवंति “एगे एवमाहंसु"। 1. एगे पुण एवमाहंसु-- ता चंदिम-सूरिया:णंजीवा, नो अजीवा, घणा, नो झुसिरा, बादरबोंदिधरा, नो कलेवरा / अस्थि णं तेसि 1. उट्ठाणेइ वा, 2. कम्मेइ वा, 3. बलेइ वा, 4. वीरिएइ वा, 5. पुरिसक्कारपरक्कमेइ वा। ते विज्जु पि लवंति, असणि पि लवंति, थणियं पि लवंति, "एगे एवमासु"। वयं पुण एवं वयामो-- ता चंदिम-सूरिया णं देवाणं महिडिया, महज्जुइया, महब्बला, महाजसा, महासोक्खा, महाणुभागा वरवत्थधरा, वरमल्लधरा, वराभरणधरा अवोछित्तिणयट्टयाए अन्ने चयंति, अन्ने उववज्जति / Jain Education International For Private & Personal Use Only www.jainelibrary.org
