________________ 154] [सूर्यप्रज्ञप्तिसूत्र उ. इमाई खलु ताई सत्त अद्धमंडलाइं जाइं चंदे दाहिणाए भागाए पविसमाणे चारं चरइ, तं जहा१. बिइए अद्धमंडले, 2. चउत्थे अद्धमंडले, 3. छठे अद्धमंडले, 4. अट्ठमे अद्धमंडले, 5. दसमे अद्धमंडले, 6. बारसमे अद्धमंडले, 7. चउदसमे अद्धमंडले। एयाई खलु ताई सत्त अद्धमंडलाइं जाइं चंदे दाहिणाए भागाए पविसमाणे चारं चरई, ता पढमायणगए चंदे उत्तराए भागाए पविसमाणे छ अद्धमंडलाइं तेरस य सत्तट्ठिभागाइं अद्धमंडलस्स जाइं चंदे उत्तराए भागाए पविसमाणे चारं चरइ / प. कयराइं खलु ताई छ अद्धमंडलाइं तेरस य सत्तविभागाइं अद्धमंडलस्स जाई चंदे उत्तराए भागाए पविसमाणे चारं चरइ ? उ. इमाई खल ताई छ अद्धमंडलाइं तेरस य सत्तद्विभागाइं अद्धमंडलस्स जाई चंदे उत्तराए भागाए पविसमाणे चारं चरइ, तंजहा१. तईए अद्धमंडले, 2. पंचमे अद्धमंडले, 3. सत्तमे अद्धमंडले, 4. नवमे अद्धमंडले, 5. एकारसमे अद्धमंडले, 6. तेरसमे अद्धमंडले पण्णरसमंडलस्स तेरस सत्तट्ठिभागाई, एताई खलु ताई छ अद्धमंडलाइं तेरस य सत्तद्विभागाइं अद्धमंडलस्स जाई चंदे उत्तराए भागाए पविसमाणे चारं चरई, एयावया च पढमे चंदायणे समत्ते भवइ / दोच्चे चंदायणे ता णक्खत्ते अद्धमासे नो चंदे अद्धमासे, चंदे अद्धमासे नो गक्खते अद्धमासे, प. ता णक्खत्ताओ अद्धमासाओ ते चंदे चंदेणं अद्धमासेणं किमधियं चरइ ? उ. ता एगं अद्धमंडलं चरइ, चत्तारि य सत्तद्विभागाई अद्धमंडलस्स सत्तविभागं एगतीसाए छेत्ता णव भागाई, Jain Education International For Private & Personal Use Only www.jainelibrary.org
