________________ दशम प्राभूत-बावीसवाँ प्रामतप्राभूत] [139 ख. ता जेणं अज्ज णक्खत्तेणं सूरे जोगं जोएइ तंसि देसंसि से गं इमाई सत्त दुतीस राइंदियसयाई उवाइणावेत्ता पुणरवि से सूरे अण्णेणं चेव तारिसएणं णक्खत्तेणं जोगं जोएइ, तंसि देसंसि / ग. ता जेणं अज्ज णक्खतेणं सूरे जोग जोएइ, जंसि देससि से णं इमाइं अट्ठारस तीसाई राइंदियसयाई उवाइणावेत्ता पुणरवि सूरे तेणं चेव णक्खत्तेणं जोगं जोएइ, तंसि देसंसि / घ. ता जेणं अज्ज णक्खत्तेणं सूरे जोगं जोएइ जंसि देसंसि से णं इमाई छत्तीसं सट्ठाई राईदियसयाई उवाइणावेत्ता पुणरवि से सूरे तेणं चेव णक्खत्तेणं जोगं जोएइ तसि देसंसि। चंद-सूर-गह-णक्खत्ताणं गइसमावण्णत्तं-- 70. ता जया णं इमे चंदे गइसमावण्णए भवइ, तया णं इयरेऽवि चंदे गइसमावण्णए भवइ / जया णं इयरे चंदे गइसमावण्णए भवइ, तया णं इमेऽवि चंदे गइसमावष्णए भवइ / ता जया णं इमे सूरिए गइसमावण्णए भवइ, तया णं इयरेऽवि सूरिए गइसमावण्णए भवइ / ता जया णं इयरे सूरिए गइसमावण्णए भवइ, तया णं इमेऽवि सूरिए गइसमावण्णए भवइ / एवं गहे वि, णक्खत्ते वि। चंद-सूर-गह-णक्खत्तारणं जोगो-~ ता जया णं इमे चंदे जुत्ते जोगे णं भवइ, तया णं इयरेवि चंदे जुत्ते जोगे णं भवइ / ता जया णं इयरे चंदे जुत्ते जोगे णं भवइ, तया णं इमेऽवि चंदे जुत्ते जोगे णं भवइ / एवं सूरेऽवि गहेऽवि णक्खत्तेवि। सया वि चंदा जुत्ता जोगेहि, सया वि सूरा जुत्ता जोगेहि, सया वि गहा जुत्ता जोगेहि, सया वि णक्खत्ता जुत्ता जोगेहि / Jain Education International For Private & Personal Use Only www.jainelibrary.org
