Page Text
________________ [औपपातिकसूत्र से कि तं कसायपडिसंलोणया ? कसायपडिसलीणया चरविहा पण्णता / तं जहा१ कोहस्सुदयनिरोहो वा, उदयपत्तस्स वा कोहस्स विफलीकरणं, 2 माणस्सुदयनिरोहो वा उदयपत्तस्स वा माणस्स विफलीकरणं, 3 मायाउदयगिरोहो या, उदयपत्तस्स वा मायाए विफलीकरणं, 4 लोहस्सुदयणिरोहो वा उदयपत्तस्स वा लोहस्स विफलीकरणं, से तं कसायपडिसंलोणया / से कि तं जोगपडिसंलोणया? जोगपडिसंलोणया तिविहा पण्णत्ता / तं जहा-१ मणजोगपडिसंलोणया, 2 वयजोगपडिसंलोणया, 3 कायजोगपडिसंलोणया। से कि तं मणजोगपडिसलीणया? 1 अकुसलमणणिरोहो वा 2 कुसलमणउदीरणं वा, से तं मणजोगपडिसंलोणया / से कि तं वयजोगडिसंलोणया? 1 अकुसलवयणिरोहो वा 2 कुसलवय उदीरणं वा, से तं वयजोगपडिसंलोणया। से कि तं कायजोगपडिसलीणया ? कायजोगपडिसलीणया जं गं सुसमाहियपाणिपाए कुम्मो इव गुत्तिदिए सव्वगायपडिसंलोणे चिट्ठइ, से तं कायजोगपडिसंलीणया। से कि तं विवित्तसयणासणसेवणया ? विवित्तसयणासणसेवणया जं णं आरामेसु, उज्जाणेसु, देवकुलेसु, सहासु, पवासु, पणियगिहेसु, पणियसालासु, इत्थीपसुपंडगसंसत्तविरहियासु वसहीसु फासुएसणिज्जं पीढ-फलग सेज्जा-संथारगं उवसंपज्जित्ताणं विहरड़ से तं पडिसंलीणया, से तं बाहिरए तवे। ___ से किं तं अभितरए तवे ? अभितरए छविहे पण्णत्ते / तं जहा–१ पायच्छित्तं, 2 विणए, 3 वेयावच्चं, 4 सज्झायो, 5 झाणं, 6 विउस्सग्गो / से कि तं पायच्छित्ते ? 2 दसविहे पण्णत्ते / तं जहा-१ पालोयणारिहे 2 पडिक्कमणारिहे 3 तदुभयारिहे 4 विवेगारिहे 5 विउस्सम्गारिहे 6 तवारिहे 7 छेदारिहे 8 मूलारिहे 9 प्रणयट्टप्पारिहे 10 पारंचियारिहे, से तं पायच्छित्ते / से किं तं विणए ? विणए सत्तविहे पण्णत्ते। तं जहा–१ णाणविणए 2 सणविणए 3 चरित्तविणए 4 मणविणए 5 वइविणए 6 कायविणए 7 लोगोश्यारविणए।। से किं तं णाणविणए ? पंचविहे पण्णते, तं जहा–१ प्राभिणिबोहियणाणविणए 2 सुयणाणविणए 3 अोहिणाणविणए 4 मणपज्जवणाणविणए 5 केवलणाणविणए / से कि तं दंसणविणए ? दुविहे पण्णत्ते / तं जहा–१ सुस्सूसणाविणए 2 अणच्चासायणाविणए। से किं तं सुस्सूसणाविणए ? सुस्सूसणाविणए अणेगविहे पण्णते। तं जहा-१ अब्भुटाणे इवा, 2 पासणाभिग्गहे इ वा, 3 पासणपदाणे इ वा, सक्कारे इ वा, 5 सम्माणे इ वा, 6 किइकम्मे इवा, 7 अंजलिप्पग्गहे इ वा, 8 एंतस्स अणुगच्छणया, 9 ठियस्स पज्जुवासणया, 10 गच्छंतस्स पडिसंसाह्णया, से तं सुस्सूसणाविणए। से कि तं अणच्चासायणाविणए ? अणच्चासायणाविणए पणयालीसविहे पण्णत्ते / तं जहा-- 1 अरहताणं प्रणच्चासायणया 2 अरहंतपण्णत्तस्स धम्मस्स प्रणच्चासायणया 3 प्रायरियाणं अणच्चासायणया एवं 4 उवज्झायाणं ५थेराणं 6 कुलस्स ७गणस्स संघस्स 9 किरियाणं 10 संभोगस्स Jain Education International For Private & Personal Use Only www.jainelibrary.org
| SR No. | 003480 |
| Book Title | Agam 12 Upang 01 Auppatik Sutra Stahanakvasi |
| Original Sutra Author | N/A |
| Author | Madhukarmuni, Kanhaiyalal Maharaj, Devendramuni, Ratanmuni |
| Publisher | Agam Prakashan Samiti |
| Publication Year | 1992 |
| Total Pages | 242 |
| Language | Prakrit, Hindi |
| Classification | Book_Devnagari |
| File Size | 7 MB |