Page Text
________________ 678 ] [ स्थानाङ्गसूत्र पडिपुण्ण-सुजाय-सव्वंग-सुदरंग ससिसोमाकारं कंतं णियदसणं) सुरूवं दारगं पयाहिती। जं रणि च णं से दारए पयाहिती, तं रयणि च णं सतदुवारे जगरे सम्भंतरबाहिरए भारग्गसो य कुभग्गसो य पउमवासे य रयणवासे य वासे वासिहिति / तए णं तस्स दारयस्स अम्मापियरो एक्कारसमे दिवसे वीइक्कते (णिवत्ते असुइजायकम्मकरणे संपत्ते) बारसाहे अयमेयारूवं गोष्णं गुणणिफण्णं णामधिज्जं काहिंति, जम्हा णं अम्हमिमंसि दारगंसि जातंसि समाणंसि सयदुवारे णगरे समितरबाहिरए भारग्गसो य कुभग्गसो य पउमवासे य रयणवासे य वासे वुट्ठ, तं होउ णमहमिमस्स दारगस्स णामधिज्ज महापउमे-महापउमे। तए णं तस्स दारगस्स अम्मापियरो णामधिज्जं काहिति महापउमेत्ति / तए णं महापउमं दारगं अम्मापितरो सातिरेगं अट्ठवासजातगं जाणित्ता महता-महता रायाभिसेएणं अभिसिंचिहिति। से णं तत्थ राया भविस्सति महता-हिमवंत-महंत-मलय-मंदर-महिंदसारे रायवण्णो जाव रज्जं पसासेमाणे विहरिस्सति / तए णं तस्स महापउमस्स रण्णो अण्णदा कयाइ दो देवा महिड्डिया (महज्जुइया महाणुभागा महायसा महाबला) महासोक्खा सेणाकम्म काहिति, तं जहा-पुण्णभद्दे य माणिभद्दे य / तए णं सतवारे णगरे बहवे राईसर-तलवर-माइंबिय-कोडुबिय-इन्भ-सेटि-सेणावतिसत्यवाह-प्पभितयो अण्णमण्णं सहावेहिति, एवं वइस्संति-जम्हा णं देवाणुप्पिया ! अम्हं महापउमस्स रण्णो दो देवा महड्डिया (महज्जुइया महाणुभागा महायसा महाबला) महासोक्खा सेणाकम्मं करेन्ति, तं जहा-पुण्णभद्दे य माणिभद्दे य। तं होउ णमम्हं देवाणुप्पिया ! महापउमस्स रण्णो दोच्चेवि णामधेज्जे देवसेणे-देवसेणे / तते णं तस्स महापउमस्स रण्णो दोच्चेवि णामधेन्जे मविस्सइ देवसेणेति / ___ तए णं तस्स देवसेणस्स रण्णो अपणया कयाई सेय-संखतल-विमल-सण्णिकासे चउदंते हत्थिरयणे समपज्जिहिति। तए णं से देवसेणे राया तं सेयं संखतल-विमल-सपिणकासं च उदंतं हत्थिरयणं समाणे सतदुवारं णगरं मझ-मझेणं अभिक्खणं-अभिक्खणं अतिज्जाहिति य णिज्जाहिति य / ___तए णं सतदुवारे णगरे बहवे राईसर-तलवर-(माइंबिय-कोडुबिय-इन्भ-सेटि-सेणावतिसत्थवाह-पभितयो) अण्णमण्णं सद्दावेहिंति, एवं वइस्संति--जम्हा णं देवाणुप्पिया ! अम्हं देवसेणस्स रपणो सेते संखतल-विमल-सण्णिकासे चउदंते हस्थिरयणे समप्पण्णे, तं होउ णमम्हं देवाणुप्पिया! देवसेणस्स तच्चेवि णामधेज्जे विमलवाहणे [विमलवाहणे ?] / तए णं तस्स देवसेणस्स रण्णो तच्चेवि णामधेज्जे भविस्सति विमलवाहणेति / तए गं से विमलवाहणे राया तीसं वासाई अगारवासमझे वसित्ता अम्मापितीहिं देवत्तं गतेहि गुरुमहत्तरएहि अब्भणण्णाते समाणे, उदुमि सरए, संबुद्ध अणुत्तरे मोक्खमग्गे पुणरवि लोगतिरहि जोयकप्पिएहिं देवेहि, ताहि इटाहि कंताहिं पियाहि मणुण्णाहिं मणामाहि उरालाहि कल्लाणाहिं सिवाहि धण्णाहिं मंगलाहिं सस्सिरिअाहिं वाहिं अभिणंदिज्जमाणे अमिथुव्वमाणे य बहिया सुभूमिभागे उज्जाणे एगं देवदूसमादाय मुंडे भवित्ता अगाराम्रो प्रणगारियं पव्वयाहिति / से णं भगवं जं चेव दिवसं मुंडे भवित्ता (प्रगाराप्रो अणगारियं) पब्वयाहिति तं चेव दिवसं सयमेयमेतारूवं अभिग्गहं अभिगिहिहिति–जे केइ उवसग्गा उपजिहिति, तं जहा-दिव्वा वा माणुसा वा तिरिक्खजोणिया वा ते सव्वे सम्मं सहिस्सइ खमिस्सइ तितिक्खिस्ससइ अहियास्सिसइ / Jain Education International For Private & Personal Use Only www.jainelibrary.org
| SR No. | 003471 |
| Book Title | Agam 03 Ang 03 Sthanang Sutra Stahanakvasi |
| Original Sutra Author | N/A |
| Author | Madhukarmuni, Shreechand Surana |
| Publisher | Agam Prakashan Samiti |
| Publication Year | 1981 |
| Total Pages | 827 |
| Language | Prakrit, Hindi |
| Classification | Book_Devnagari |
| File Size | 21 MB |