Page Text
________________ 570 ] [स्थानाङ्गसूत्र एगदिसि लोगाभिगमे। संतेगइया समणा वा माहणा वा एवमाहंसु-पंचदिसि लोगाभिगमे / जे ते एवमाहंसु, मिच्छं ते एवमाहंस---पढमे विभंगणाणे। अहावरे दोच्चे विभंगणाणे-जया णं तहारूवस्स समणस्म वा माहणस्स वा विभंगणाणे समुप्पज्जति / से णं तेणं विभंगणाणेणं समुप्पण्णेणं पासति पाईणं वा पडिणं वा दाहिणं वा उदीणं वा उड्ड वा जाव सोहम्मे कप्पे / तस्स णं एवं भवति---अस्थि णं मम प्रतिसेसे पाणदंसणे समुप्पण्णेपंचदिसि लोगाभिगमे / संतेगइया समणा वा माहणा वा एवमाहंसु-एगर्दािस लोगाभिगमे / जे ते एवमाहंसु, मिच्छं ते एवमाहंसु-दोच्चे विभंगणाणे। प्रहावरे तच्चे विभंगणाणे---जया णं तहारुवस्स समणस्स वा माहणस्स वा विभंगणाणे समुपज्जति / से णं तेणं विभंगणाणेणं समुप्पण्णेणं पासति पाणे अतिवातेमाणे, मुसं क्यमाणे, प्रदिण्णमादियमाणे, मेहुणं पडिसेवमाणे, परिग्गहं परिगिण्हमाणे, राइभोयणं भुजमाणे, पावं च णं कम्म कीरमाणं णो पासति / तस्स णं एवं भवति-अस्थि णं मम अतिसेसे पाणदंसणे समुप्पण्णे-किरियावरणे जीवे। संतेगइया समणा वा माहणा वा एवमासु–णो किरियावरणे जीवे / जे ते एवमाहंसु, मिच्छं ते एवमाहंसु-तच्चे विभंगणाणे / अहावरे चउत्थे विभंगणाणे---जया णं तधारूवस्स समणस्स वा माणस्स वा (विभंगणाणे) समुप्पज्जति / से णं तेणं विभंगणाणेणं समुष्पण्णणं देवामेव पासति बाहिरभंतरए पोग्गले परियाइत्ता पुढेगत्तं गाणत्तं फुसित्ता फुरिता फुट्टित्ता विकुवित्ता णं चिट्ठित्तए / तस्स णं एवं भवति--अस्थि णं मम प्रतिसेसे णाणसणे समुप्पण्णे--मदग्गे जोवे। संतेगइया समणा वा माहणा वा एवमाहंसु-मुदग्गे जोवे / जे ते एवमाहंसु, मिच्छं ते एवमासु-चउत्थे विभंगणाणे। हावरे पंचमे विभंगणाणे--जया णं तधारूवस्स समणस्स (वा माहणस्स वा विभंगणाणे) समापज्जति / से पं तेणं विभंगणाणणं समप्पण्णेणं देवामेव पासति बाहिरभंतरए पोग्गलए अपरियाइत्ता पुढेगत्तं जाणतं (फुसित्ता फुरिता फुट्टित्ता) विउवित्ता णं चिट्टित्तए। तस्स णं एवं भवतिअस्थि (णं मम अतिसेसे गाणदंसणे) समुप्पपणे-श्रमदग्गे जीवे। संतेगइया समणा वा माहणा वा एवमाहंसु-मुदगो जीवे / जे ते एवमासु, मिच्छं ते एवमाहंसु-पंचमे विभंगणाणे।। ___ अहावरे छ? विभंगणाणे—जया गं तहारुवस्स समणस्स वा माहणस्स वा (विभंगणाणे) समुप्पज्जति / से गं तेणं विभंगणाणणं समुप्पण्णणं देवामेव पासति बाहिरभंतरए पोग्गले परियाइत्ता वा अपरियाइत्ता वा पुढेगत्तं गाणत्तं फुसित्ता (फुरित्ता फुट्टित्ता) विकुवित्ता णं चिट्टित्तए / तस्स णं एवं भवति-अस्थि णं मम अतिसेसे पाणदंसणे समुप्पण्णे-रूवी जीवे। संतेगइया समणा वा माहणा वा एवमहसु-अरूवी जीवे / जे ते एवमाहंसु, मिच्छं ते एवमाहंसु-छट्ठ विभंगणाणे।। अहावरे सत्तमे विभंगणाणे -जया णं तहारुवस्स समणस्स वा माहणस्स वा विभंगणाणे समुप्पज्जति। से गं तेणं विभंगणाणेणं समुप्पण्णेणं पासई सुहमेणं वायुकाएक फुडं पोग्गलकायं एयंतं वेयंतं चलंतं खुब्भंतं फंदंतं घट्टतं उदीरेंतं तं तं भावं परिणमंतं / तस्स णं एवं भवति-अस्थि णं मम अतिसेसे पाणदसणे समुप्पण्णे-सवमिणं जीवा / संतेगइया समणा वा माहणा वा एवमाहंसु-जीवा चेव, अजीवा चेव / जे ते एवमाहंसु, मिच्छं ते एवमाहंसु / तस्स णं इमे चत्तारि जीवणिकाया णो सम्ममुवगता भवंति, तं जहा-पुढविकाइया, पाउकाइया, तेउकाइया, वाउकाइया / इच्चेतेहि चहिं जीवणिकाएहि मिच्छादंडं पवत्तेइ सत्तमे विभंगणाणे / विभङ्गज्ञान (कुअवधिज्ञान) सात प्रकार का कहा गया है। जैसे१. एकदिग्लोकाभिगम-एक दिशा में ही सम्पूर्ण लोक को जानने वाला। Jain Education International For Private & Personal Use Only www.jainelibrary.org
| SR No. | 003471 |
| Book Title | Agam 03 Ang 03 Sthanang Sutra Stahanakvasi |
| Original Sutra Author | N/A |
| Author | Madhukarmuni, Shreechand Surana |
| Publisher | Agam Prakashan Samiti |
| Publication Year | 1981 |
| Total Pages | 827 |
| Language | Prakrit, Hindi |
| Classification | Book_Devnagari |
| File Size | 21 MB |