________________
३३३
नवम अध्ययन : विनयसमाधि
४९७. सक्का सहेउं आसाए+ कंटया,
____ अओमया उच्छहया नरेणं । अणासए जो उ सहेज्ज कंटए,
वईमए कण्णसरे, स पुज्जो ॥ ६॥ ४९८. मुहुत्तदुक्खा हु हवंति कंटया,
अओमया, ते वि तओ सुउद्धरा । वाया दुरुत्ताणि दुरुद्धराणि,
वेराणुबंधीणि महब्भयाणि ॥७॥ ४९९. समावयंता वयणाभिघाया,
कण्णंगया दुम्मणियं जणंति । ॥ धम्मो त्ति किच्चा परमग्गसूरे,
जिइंदिए जो सहई, स पुज्जो ॥८॥ ५००. अवण्णवायं च परम्मुहस्स,
पच्चक्खओ पडिणीयं च भासं । ओहारिणिं अप्पियकारिणिं च,
भासं न भासेज्ज सया, स पुज्जो ॥९॥ ५०१. अलोलुए अक्कुहए* अमायी,
अपिसुणे यावि अदीणवित्ती । नो भावए, नो वि य भावियप्पा,
अकोउहल्ले य सया, स पुज्जो ॥१०॥ ५०२. गुणेहिं साहू, अगुणेऽसाहू,
गेण्हाहि* साहूगुण, मुंचऽसाहू । वियाणिया अप्पगमप्पएणं,
जो रागदोसेहिं समो, स पुज्जो ॥ ११॥ ५०३. तहेव डहरं च महल्लगं वा,
xइत्थी पुमं पव्वइयं गिहिं वा । नो हीलए, नो वि य खिंसएज्जा,
थंभं च कोहं च चए, स पुज्जो ॥१२॥ पाठान्तर- + आसाइ । ।।धम्मु त्ति । *अकुहए। * गिण्हाहि ।
x इत्थिं
।
