________________
नवमं अज्झयणं : विणयसमाही नौवां अध्ययन : विनयसमाधि
पढमो उद्देसो : प्रथम उद्देशक
अविनीत साधक द्वारा की गई गुरु-आशातना के दुष्परिणाम ४५२. थंभा व कोहा व मयप्पमाया गुरुस्सगासे विणयं न सिक्खे ।
सो चेव उ तस्स अभूइभावो फलं व कीयस्स वहाय होइ ॥१॥ ४५३. जे यावि मंदेत्ति- गुरुं विइत्ता डहरे इमे+ अप्पसुए त्ति नच्चा ।
हीलंति मिच्छं पडिवज्जमाणा करेंति आसायण ते गुरूणं ॥ २॥ ४५४. पगईए मंदा वि भवंति एगे डहरा वि य जे सुयबुद्धोववेया ।
आयारमंता गुणसुट्ठियप्पा जे हीलिया सिहिरिव भास कुज्जा ॥ ३॥ ४५५. जे यावि नागं डहरे= त्ति नच्चा आसायए से अहियाय होइ ।'
एवाऽऽयरियं पि हु हीलयंतो नियच्छई जाइपहं खु मंदे ॥ ४॥ ४५६. आसीविसो यावि परं सुरुट्ठो किं जीवनासाओ परं नु कुज्जा ?
आयरियपाया पुण अप्पसन्ना अबोहि-आसायण नत्थि मोक्खो ॥५॥ ४५७. जो पावगं जलियमवक्कमेजा आसीविसं वा वि हु कोवएज्जा ।
जो वा विसं खायइ जीवियट्ठी एसोवमाऽऽसायणया गुरूणं ॥६॥ ४५८. सिया हु से पावय नो डहेजा, आसीविसो वा कुविओ न भक्खे।
सिया विसं हालहलं न मारे, न यावि मोक्खो गुरुहीलणाए ॥ ७॥ ४५९. जो पव्वयं सिरसा भेत्तुमिच्छे सुत्तं व सीहं पडिबोहएजा ।
जो वा दए सत्तिअग्गे पहारं, एसोवमाऽऽसायणया गुरूणं ॥८॥ ४६०. सिया हु सीसेण गिरि पि भिंदे, सिया हु सीहो कुविओ न भक्खे ।
सिया न भिंदेज व सत्तिअग्गं, न यावि मोक्खो गुरुहीलणाए ॥ ९॥ ४६१. आयरियपाया पुण अप्पसन्ना अबोहि-आसायण नत्थि मोक्खो ।
तम्हा अणाबाह-सुहाभिकंखी गुरुप्पसायाभिमुहो रमेज्जा ॥ १०॥
पाठान्तर-
मंदत्ति ।
+ अप्पसुअत्ति ।
= डहरं ति।
नासाउ ।
